Author: નોબત સમાચાર
કાલાવડના નાની ભગેડી ગામ નજીકથી મોટરમાંથી મળી આવી દારૂની ૨૨ બોટલ
તળાવની પાળેથી બોટલ સાથે ઝડપાયોઃ
જામનગર તા. ૫: કાલાવડના નાની ભગેડી ગામ પાસેથી શનિવારે રાત્રે પોલીસે મારૂતી વેનમાં લઈ જવાતી દારૂની બાવીસ બોટલ કબજે કરી છે. આ જથ્થા સાથે રાજસ્થાનના શખ્સની ધરપકડ કરવામાં આવી છે. તળાવની પાળેથી શખ્સ દારૂની બોટલ સાથે મળી આવ્યો છે.
કાલાવડ તાલુકાના નાની ભગેડી ગામ પાસે શનિવારે રાત્રે દારૂની હેરાફેરી થઈ રહી હોવાની બાતમી કાલાવડ ગ્રામ્ય પોલીસ સ્ટેશનના સ્ટાફને મળતા પોલીસે વોચ ગોઠવી હતી. તે દરમિયાન આરજે-૦૪-યુએ ૬૧૫૩ નંબરની મારૂતિ વાન પસાર થતા પોલીસે શકના આધારે તેને રોકાવી ચેક કરતા તેમાંથી ભારતીય બનાવટના અંગ્રેજી શરાબની બે જુદી જુદી બ્રાન્ડની ૨૨ બોટલ મળી આવી હતી. પોલીસે રૂ. ૫૦,૦૦૦ની મોટર તથા રૂ. ૧૧,૦૦૦નો દારૂ કબજે કરી રાજસ્થાનના બ્યાવર જિલ્લાના દુદા ગામના વિક્રમસિંહ રૂપસિંહ ચૌહાણની ધરપકડ કરી છે.
જામનગરના રણમલ તળાવની પાળ પરથી શનિવારે રાત્રે પસાર થઈ રહેલા વુલન મીલ નજીકની ન્યુ ઇન્દિરા કોલોની શેરી નંં.૨માં રહેતા નરેશ સામતભાઈ રોશિયા નામના શખ્સને સીટી એ ડિવિઝનના સ્ટાફે શકના આધારે રોકાવી તેની તલાશી લેતા આ શખ્સના કબજામાંથી અંગ્રેજી શરાબની એક બોટલ મળી આવી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
