Author: નોબત સમાચાર
રણજીતસાગર રોડ પર બે ગાય સાથે મોટર ટકરાઈઃ ગાયોના મૃત્યુ, મોટર સળગી
નુકસાની પામેલી મોટર કોઈએ સળગાવ્યાની આશંકાઃ
જામનગર તા. પઃ જામનગરના રણજીતસાગર રોડ પર ગ્રીન સિટીથી આગળ શનિવારે રાત્રે બેએક વાગ્યે એક મોટર રોડ પરથી જતી બે ગાય સાથે ટકરાઈ પડી હતી. બંને ગાયના ઘટનાસ્થળે મૃત્યુ થયા હતા. મોટરમાં પણ ભારે નુકસાન થયું હતું. તે પછી ગઈકાલ સવાર સુધીમાં આ મોટર કોઈ રીતે સળગી ગઈ હતી. ફાયરબ્રિગેડની ટૂકડી દોડી ગઈ હતી.
જામનગરના રણજીત સાગર રોડ પર આવેલી ગ્રીન સિટીથી આગળ ગયા શનિવારની રાત્રે બેએક વાગ્યે જીજે-૧-કેએ ૭૭૫૬ નંબરની વેગનઆર મોટર પુરપાટ ઝડપે દોડી જતી હતી. તેના ચાલકે આગળ રોડ પર ઉભેલી બે ગાય ન દેખાતા તેની સાથે ધડાકાભેર અકસ્માત સર્જયો હતો.
પુષ્કરધામ સોસાયટીમાં રહેતા પંકજ કરશનભાઈ મકવાણાની એક જરસી ગાય તથા અન્ય ગાય સાથે વેગન આર ટકરાઈ પડતા બંને ગાયના ગંભીર ઈજા થવાથી મૃત્યુ નિપજ્યા હતા. જ્યારે ગાય સાથે ટકરાવવાથી મોટરના આગળના ભાગનો તથા તમામ કાચનો ભૂક્કો બોલી ગયો હતો. તેમાંથી ઉતરીને ડ્રાઈવર સહિતના વ્યક્તિઓ ચાલ્યા ગયા હતા. ત્યારપછી ગઈકાલે સવાર સુધીમાં આ મોટરમાં કોઈએ આગચંપી કરી હતી. તેની જાણ ફાયરબ્રિગેડને કરવામાં આવતા દોડી ગયેલી ફાયરની ટીમે આગ બુઝાવી હતી તે પહેલાં મોટર સળગીને ભડથું થઈ ગઈ હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
