Author: નોબત સમાચાર
ઓફિસમાં કામ કરતા આસામીને ફડાકા ઝીંકી શખ્સે છરીની અણીએ આપી ધમકી
રાત્રે બે વાગ્યે ઓફિસમાં બોલી ગઈ બઘડાટીઃ
જામનગર તા. ૧૫: જામનગરના ગાંધીનગર મેઈન રોડ પર ગોકુલધામ સોસાયટી સ્થિત એક એપાર્ટમેન્ટમાં ઓફિસ ધરાવતા આસામી ગઈરાત્રે બે વાગ્યે કામ કરતા હતા ત્યારે આ સમયે ઓફિસ ખૂલી રાખવાના પ્રશ્ને એક શખ્સે તેઓને ગાળો ભાંડી ફડાકા ઝીંકવા ઉપરાંત છરી બતાવી મારી નાખવાની ધમકી આપ્યાની પોલીસમાં ફરિયાદ કરવામાં આવી છે.
જામનગરના પંચવટી વિસ્તારમાં વસવાટ કરતા અને ગાંધીનગર મેઈન રોડ પર ગોકુલધામ સોસાયટીમાં શિવમ્ એવન્યુ એપાર્ટમેન્ટમાં ઓફિસ ધરાવતા પાર્થભાઈ રોહિતભાઈ ઠાકર ગઈરાત્રે બે વાગ્યે પોતાની ઓફિસે કામ કરતા હતા. ત્યારે સફેદ રંગની ક્રેટા કારમાં હરપાલસિંહ ગેડી નામનો શખ્સ આવ્યો હતો.
તેણે ઓફિસ આ સમયે ખૂલી રાખવા બાબતે બોલાચાલી કર્યા પછી પાર્થ ઠાકરનો બોચો પકડી લઈ ત્રણ ફડાકા ઝીંક્યા હતા અને ગાળો ભાંડી હતી. તે પછી છરી બતાવી જાનથી મારી નાખવાની ધમકી આપતા આજે વહેલી સવારે પાર્થભાઈએ સિટી બી ડિવિઝન પોલીસ સ્ટેશનમાં ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
