Author: નોબત સમાચાર
જોડિયાના શ્રીમતી યુપી વ્યાસ કન્યા વિદ્યાલયમાં ગુરુપૂર્ણિમા પર્વની ઉજવણી
જામનગર તા. ૧૫: જોડિયાની શેઠ કાકુભાઈ જીવણદાસ સ્ત્રી હુન્નર ઉદ્યોગ શાળા સંચાલિત શ્રીમતી યુ.પી. વ્યાસ કન્યા વિદ્યાલયમાં ગુરુપૂર્ણિમા પર્વની આસ્થાભેર ઉજવણી કરવામાં આવી હતી.
આ કાર્યક્રમનો આરંભ પૂ. ફઈબાના પૂજન સાથે કરવામાં આવ્યો હતો. પછી 'ઓ પાલન હારે' પ્રાર્થના ગીત પ્રર્થાન સભામાં પ્રસ્તુત કરવામાં આવ્યું હતું.
શાળાની ધો. ૯ ની વિદ્યાર્થિની નિલમ પરમારે ગુરુપૂર્ણિમા પર્વ અંગે વક્તવ્ય રજૂ કર્યું હતું. ધો. ૧ર ની વિદ્યાર્થિની ભૂમિકા ખરાએ 'સદ્ગુરુ તમે તારણહાર ભજન રજૂ કર્યું હતું. ધો. ૧૦ ની વિદ્યાર્થિની રાધિકા ગોહિલે ગુરુ-શિષ્યના આત્મિય સંબંધ અંગે મંતવય રજૂ કર્યું હતું. ધો. ૧૦ અને ધો. ૧૧ ની બહેનોએ ભજન રજૂ કર્યું હતું. જેના શબ્દો 'આટલો સંદેશો મારા ગુરુજીને કહેજો'. ધો. ૧૧ ની વિદ્યાર્ર્થિની દિવ્યાબેન મઢવાણાએ ગુરુપૂર્ણિમા અંગે પોતાનો ભાવ વ્યક્ત કર્યો હતો. પૂજન વિધિ દરમિયાન ધો. ૧ર ની વિદ્યાર્થિનીઓએ સમૂહમાં શ્લોક ગાન 'વંદહુ ગુરુ પદ' રજૂ કર્યું હતું.
આ કાર્યક્રમમાં શાળાના આચાર્યા ક્રિષ્નાબા ચુડાસમા, શિક્ષકગણ તથા વિદ્યાર્થિનીઓ ઉપસ્થિત રહ્યા હતાં. સંચાલન ધો. ૧ર ની વિદ્યાર્થીની સના આફરીના તથા પાયલબેને કર્યું હતું.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
