Author: નોબત સમાચાર
સરૂ સેક્શન રોડ પર એપાર્ટમેન્ટના પાર્કિંગમાં જુગાર રમતા આઠ પકડાયા
જોડિયામાંથી સાત પત્તાપ્રેમીની કરાઈ ધરપકડઃ
જામનગર તા. ૧૫: જામનગરના સરૂ સેક્શન રોડ પર એપાર્ટમેન્ટના પાર્કિંગમાંથી ગઈકાલે રાત્રે આઠ શખ્સ જુગાર રમતા મળી આવ્યા હતા. જ્યારે જોડિયામાંથી સાત પત્તાપ્રેમી પોલીસની ગિરફતમાં આવ્યા હતા. મિગ કોલોની પાસેથી એક વર્લીબાજ ઝડપાયો હતો. તેણે સાગરિતનું નામ પોલીસને આપ્યું છે.
જામનગરના સરૂ સેક્શન રોડ પર એક હોટલ પાસે આવેલા અવની એપાર્ટમેન્ટના પાર્કિંગમાં ગઈરાત્રે જુગાર રમાતો હોવાની બાતમી પરથી સિટી બી ડિવિઝનના પીઆઈ પી.પી. ઝાની સૂચનાથી પીએસઆઈ ડી.જી. રાજ તથા સ્ટાફે દરોડો પાડ્યો હતો.
ત્યાં ગંજીપાના વડે જુગાર રમી રહેલા અર્જુનસિંહ દિલીપસિંહ વાઘેલા, દેવાંગ સંજયભાઈ વસાણી, પિયુષ દિલીપભાઈ ઝાલા, હિમાંશુ સુનિલભાઈ ભોચીયા, રાજ દિલીપભાઈ ખુંટી, કમલેશ મનોજભાઈ ખેતાણી, ભવ્યરાજ સંજયભાઈ જાડેજા નામના આઠ શખ્સ મળી આવ્યા હતા. પટમાંથી પોલીસે રૂા.૧૪૫૦૦ રોકડા કબજે કર્યા છે.
જોડિયા શહેરમાં નાના વાસમાં ગઈરાત્રે તીનપત્તી રમતા આમીર હુસેનભાઈ રાધા, જાવિદ હનીફભાઈ સમા, જયપાલસિંહ જીતુભા જાડેજા, ફરીદ ગફારભાઈ પીપર, આરીફ અબુભાઈ સમા, અનિશ રફીકભાઈ રાધા, સલીમ યુસુફભાઈ મીયાણી નામના સાત શખ્સને પોલીસે ઝડપી લીધા હતા. રૂા.૨૧૫૩૦ પટમાંથી કબજે કરાયા છે.
જામનગરની લાખોટા મિગ કોલોની પાછળ તળાવ રોડ પર ગઈકાલે રાત્રે વર્લીના આંકડા લખતા અશોક કિશોરભાઈ ચૌહાણ નામના શખ્સને સિટી એ ડિવિઝનના સ્ટાફે પકડી પાડ્યો હતો. તેની પાસેથી રોકડ, વર્લીના આંકડા લખેલી ચિઠ્ઠી કબજે કરાઈ છે. આ શખ્સે પોતાના સાગરિત નાસીર ના મોબાઈલ નંબર આપ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
