Author: નોબત સમાચાર
નગરના ખૂલા ફાટક તથા ગણપતનગર પાસે બાવરીવાસમાં મળી દારૂની બે ભઠ્ઠી
બંને સ્થળેથી આથો, દારૂ, સાધનો કબજે કરાયાઃ
જામનગર તા. ૧પઃ જામનગરના દિગ્જામ વુલન મીલ નજીક ખુલ્લા ફાટક પાસે બાવરીવાસમાંથી એક મહિલા દ્વારા સંચાલિત દેશી દારૂની ભઠ્ઠી ઝડપાઈ ગઈ છે. જ્યારે ગણપતનગર પાસે બાવરી વાસમાંથી એક શખ્સની ભઠ્ઠી પોલીસે કબજે કરી છે. ત્યાંથી તૈયાર દારૂ, આથો, ભઠ્ઠીના સાધનો મળી આવ્યા છે.
જામનગરના દિગ્જામ વુલન મીલ રોડ પર આવેલા ખુલ્લા ફાટક નજીકના બાવરી વાસમાં બૈજવંતી લક્ષ્મણ ડાભી નામના મહિલાના ઝૂંપડામાં ગઈકાલે સિટી સી ડિવિઝનના સ્ટાફે દરોડો પાડી તલાશી લેતાં ત્યાંથી દેશી દારૂની ભઠ્ઠી મળી આવી હતી. સ્થળ પરથી ૧૦૦ લીટર આથો, તૈયાર દેશી દારૂ, ભઠ્ઠીના સાધનો કબજે કરાયા છે. દરોડા પહેલા આરોપી મહિલા નાસી ગયા છે.
જામનગરના ગણપતનગર નજીકના બાવરીવાસમાં રાજેશ વીરસિંગ ડાભીના ઝૂંપડામાં ગઈકાલે સિટી સી ડિવિઝનના સ્ટાફે દરોડો પાડ્યો હતો. ત્યાંથી પણ દેશી દારૂની ચાલુ ભઠ્ઠી મળી આવી હતી. સ્થળ પરથી ૯૦ લીટર આથો, તૈયાર દારૂ, ભઠ્ઠીના સાધનો કબજે કરી પોલીસે રાજેશ ડાભીની ધરપકડ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
