Author: નોબત સમાચાર
ગોકુલનગરની સાયોના શેરીમાં મકાનમાં દરોડામાં ઝડપાઈ ઈંગ્લીશ દારૂની બે બોટલ
નાનકપુરી પાસેથી બે બોટલ સાથે એક ઝડપાયોઃ
જામનગર તા. ૧૫: જામનગરના ગોકુલનગરમાં એક શખ્સના મકાનમાંથી બે બોટલ દારૂ ઝડપાયો છે. નાનકપુરી પાસેથી એક શખ્સ બે બોટલ સાથે મળી આવ્યો છે. જયારે નિલકમલ સોસાયટી પાસેથી બોટલ સાથે એકની અટકાયત કરાઈ છે.
જામનગરના ગોકુલનગર નજીક આવેલી સાયોના શેરીમાં એક શખ્સના મકાનમાં દારૂની બોટલ પડી હોવાની બાતમી મળતા સિટી સી ડિવિઝનના સ્ટાફે ગઈકાલે રાત્રે ત્યાં આવેલા રાજેન્દ્રસિંહ રણજીત સિંહ ચાવડાના મકાનમાં દરોડો પાડી તલાશી લીધી હતી. ત્યાંથી દારૂની બે બોટલ મળી આવી હતી. પોલીસે બોટલ કબજે કરી આ શખ્સની ધરપકડ કરી છે.
જામનગરના ખોડિયાર કોલોની વિસ્તાર સામે નિલ કમલ સોસાયટી ચાર રસ્તા પાસેથી ગઈરાત્રે જઈ રહેલા બોમ્બે દવાબજાર કોલોનીવાળા નરેશ વજુભાઈ વરાણીયા નામના શખ્સના કબજામાંથી પોલીસે દારૂની બોટલ ઝબ્બે લીધી છે.
જામનગરના નાનકપુરી વિસ્તાર પાસેથી ગઈરાત્રે સુરેશ ગંગારામ જોષી ઉર્ફે સુરીયા નામના શખ્સને રોકાવી પોલીસે ચેક કરતા તેની પાસેથી દારૂની બે બોટલ મળી આવી હતી. આ શખ્સે રણજીતનગરવાળા લખન મેગર પાસેથી બોટલ લીધાની કબૂલાત આપી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
