Author: નોબત સમાચાર
જામનગરના એએસઆઈને પ્રશંસનીય સેવા બદલ રાષ્ટ્રપતિ મેડલ એનાયત
રાજ્યના ૨૧ પોલીસ, અધિકારીના નામ પસંદગી પામ્યાઃ
જામનગર તા. ૧પઃ રાજ્યના ૨૧ પોલીસ અધિકારી, કર્મચારીઓને તેઓની ઉત્કૃષ્ટ સેવા બદલ આજે સ્વાતંત્ર્ય દિન નિમિત્તે રાષ્ટ્રપતિ મેડલ અર્પણ કરવામાં આવનાર છે. જેમાં જામનગરના સિટી એ ડિવિઝનના એક એએસઆઈને પણ પ્રશંસનીય સેવા બદલ મેડલ એનાયત કરવામાં આવશે.
ગુજરાત રાજ્યના ૫ોલીસ તંત્રમાં ઉત્કૃષ્ઠ કામગીરી બજાવનાર ૨૧ પોલીસ અધિકારી-કર્મચારીને રાષ્ટ્રપતિ ચંદ્રક એનાયત કરવા માટે આજે કાર્યક્રમ યોજવામાં આવ્યો છે. આ અધિકારી-કર્મચારીઓને વિશિષ્ટ સેવા મેડલ અર્પણ કરવામાં આવશે.
રાજ્યના સુરત, ગોધરા, રાજકોટ, વડોદરા સહિતના શહેરોના અધિકારીઓ ઉપરાંત જામનગરના સિટી એ ડિવિઝન પોલીસ સ્ટેશનમાં હાલમાં ફરજ બજાવતા એએસઆઈ બશીરભાઈ ઈસ્માઈલભાઈ મુદ્રાકને પણ મેડલ એનાયત કરવામાં આવશે.
અગાઉ જામનગર એલસીબી, એસઓજી તેમજ સિટી એ, સિટી બી પોલીસ સ્ટેશન ઉપરાંત જામજોધપુર, કલ્યાણપુર, પેરોલ ફર્લો સ્કવોડ અને પંચકોશી બી ડિવિઝન પોલીસ સ્ટેશનમાં બશીરભાઈ ફરજ બજાવી ચૂક્યા છે. તેઓને જિલ્લા પોલીસવડા પ્રેમસુખ ડેલુ, સિટી ડીવાયએસપી જે.એન. ઝાલા, સિટી એ ડિવિઝનના પીઆઈ એન.એ. ચાવડાએ અભિનંંદન આપ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
