Author: નોબત સમાચાર
તળાવની પાળે સ્પીડબ્રેકર પાસે સ્કૂટર સ્લીપ થતાં યુવતીનું મૃત્યુઃ સ્કૂટરચાલક સામે ફરિયાદ
પાર્ક કરેલી ઈકો પાછળ અજાણ્યું વાહન ટકરાયું:
જામનગર તા.૧૦ : જામનગરના રણમલ તળાવના પાછળના ભાગ પર ગઈકાલે બપોરે એક્ટિવા સ્લીપ થતાં એક યુવતીનું મૃત્યુ નિપજ્યું હતું. તેણીના પિતાએ સ્કૂટર ચલાવતા પોતાના પુત્ર સામે ફરિયાદ નોંધાવી છે. ખેણીવાડી ફાર્મ પાસે રાખવામાં આવેલી ઈકો મોટર પાછળ મંગળવારની રાત્રે અજાણ્યું વાહન અથડાઈ પડ્યું હતું.
જામનગરના દિગ્વિજય પ્લોટ વિસ્તારની શેરી નં.૪૯ પાસે સિદ્ધાર્થ કોલોની શેરી નં.પ માં રહેતા લાલજીભાઈ ગોકળભાઈ મણવર નામના વૃદ્ધના પુત્રી જયાબેન તથા તેમનો પુત્ર કેતન અને સમર્થ ગઈકાલે બપોરે બારેક વાગ્યે ડીકેવી સર્કલ તરફ જવા માટે નીકળ્યા હતા.
સ્કૂટરમાં જઈ રહેલા જયાબેનને એ.કે. દોશી મહિલા કોલેજમાં મૂકવા જતી વેળાએ કેતન સ્કૂટર ચલાવતો હતો. તેઓ જયારે રણમલ તળાવના ગેઈટ નં.ર પાસે પહોંચ્યા ત્યારે બાજુમાંંથી બાઈક નીકળતા હેબતાયેલા કેતને બેલેન્સ ગૂમાવ્યું હતું અને ત્યાં સ્પીડ બ્રેકર આવી જતાં બ્રેક મારવાનો પ્રયાસ કરાતા એક્ટિવા સ્કૂટર સ્લીપ થયું હતું.
પાછળ બેલેસા જયાબેન તથા સમર્થ સાથે કેતન રોડ પર પછડાયો હતો. અકસ્માતમાં જયાબેનને માથા સહિતના શરીરના અન્ય ભાગોમાં ઈજા પહોંચી હતી. આ યુવતીનું મૃત્યુ નિપજ્યું છે. પોલીસે કેતન સામે લાલજીભાઈની ફરિયાદ પરથી ગુન્હો નોંધ્યો છે.
જામનગરની ઈન્દિરા કોલોનીમાં રહેતા જીવરાજ ભૂરાભાઈ ચૌહાણ નામના આસામીએ પોતાની જીજે-૧૦-ટીવી ૭૯૩૯ નંબરની ઈકો મોટર મંગળવારની રાત્રે ખેતી વાડી ફાર્મ નજીક મૂકી હતી. ત્યારે મોડીરાત્રે તે વાહનની પાછળ કોઈ વાહન અથડાવી, નુકસાન સર્જી અજાણ્યું વાહન નાસી ગયું હતું. જીવરાજે સિટી સી ડિવિઝન પોલીસ સ્ટેશનમાં ફરિયાદ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
