Author: નોબત સમાચાર
જામનગરના બેડી સહિતના વિસ્તારોમાં પોલીસ દ્વારા પેટ્રોલિંગ
આઈજીના આદેશ મુજબ પાંચ પોલીસ મથકમાં ખાસ ટીમની કરવામાં આવી રચનાઃ
જામનગર શહેરના એ, બી તથા સી ડિવિઝન પોલીસ સ્ટેશન ઉપરાંત પંચકોશી-બી ડિવિઝન અને જામજોધપુર પોલીસ સ્ટેશન હેઠળના વિસ્તારોમાં કે જ્યાં શરીર સંબંધી ગુન્હાઓ વધુ નોંધાયા છે. તે વિસ્તારોમાં જે તે પોલીસ સ્ટેશનની ખાસ ટીમ રચી આવા તત્ત્વોને નાથવા તથા પેટ્રોલિંગ હાથ ધરી લોકોમાંથી ભય દૂર કરાવવા રાજ્યના મુખ્ય પોલીસવડા દ્વારા સૂચના આપવામાં આવી હતી. અમદાવાદ સહિતના મહાનગરોમાં ઉપરોક્ત કાર્યવાહી શરૂ કરાયા પછી ગઈકાલથી જામનગરના સિટી એ, બી, સી ડિવિઝન અને પંચકોશી-બી ડિવિઝન ઉપરાંત જામજોધપુર પોલીસ સ્ટેશનના સ્ટાફે આવા વિસ્તારોમાં ફૂટ પેટ્રોલિંગ શરૂ કર્યું હતું. તે અંતર્ગત સિટી બી ડિવિઝનના પીઆઈ પી.પી. ઝાના વડપણ હેઠળ પીએસઆઈ મોઢવાડીયા તથા સ્ટાફે મહિલા પોલીસ કર્મચારીઓને સાથે રાખી બેડી, ધરારનગર, વૈશાલીનગરથી માંડી સાત નાલા સુધીના વિસ્તારોમાં ફૂટ પેટ્રોલિંગ કરતા અસામાજિક તત્ત્વો ભોંભીતર થઈ ગયા છે. પોલીસે તે વિસ્તારોમાં છરી જેવા ધારદાર હથિયાર સાથે રાખી રખડતા શખ્સોને પકડવા ઉપરાંત નશામાં રઝળપાટ કરતા શખ્સોને પાંજરે પૂર્યા હતા. તે ઉપરાંત કેટલાક વાહનો પણ ડીટેઈન કરી લીધા હતા અને કેટલાક વાહનચાલકો પાસેથી હાજર દંડ વસૂલ કરવામાં આવ્યો હતો. તે ઉપરાંત મહિલા પોલીસ કર્મચારીઓ દ્વારા તે વિસ્તારોમાં ડોર ટુ ડોર સંપર્ક કરી મહિલાઓને પજવણી કે છેડતી અંગે પણ પૂછપરછ કરી આવા તત્ત્વોને જેર કરવા માટે પોલીસ કટિબદ્ધ હોવાની ખાતરી પૂરી પાડી હતી. આ કાર્યવાહી આગામી દિવસોમાં વધુ તિવ્ર બનાવવાની પોલીસે નેમ વ્યક્ત કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
