Author: નોબત સમાચાર
ઓખા તથા ખતુંબા ગામમાં હૃદયરોગના હુમલાથી બે વ્યક્તિના નિપજ્યા મૃત્યુ
તળાવમાં પડી જતાં યુવકનું મૃત્યુઃ
જામનગર તા. ૩: ઓખાના આર.કે. બંદર પર એક બોટમાં બપોરે આરામ કરતા માછીમારને હૃદયરોગનો હુમલો ભરખી ગયો છે. ખતુંબા ગામમાં એક પ્રૌઢનું હૃદય બંધ પડી ગયું છે. રાવલમાં વીજ આંચકો લાગતા યુવાનનું મૃત્યુ નિપજ્યું છે. ઉપરાંત કુવાડીયા ગામ પાસે નદીમાં પડી ગયેલા યુવાન પર કાળનો પંજો પડ્યો છે.
ઓખાના આર.કે. બંદર પર ચમ જેટી પર લાંગરવામાં આવેલી લક્ષ્મીદેવી નામની બોટમાં ગઈકાલે બપોરે નવસારી જિલ્લામાંથી માછીમારી માટે આવેલા પ્રવીણભાઈ ભગવાનભાઈ ટંડેલ (ઉ.વ.પ૪) નામના પ્રૌઢ જમીને આરામ કરતા હતા ત્યારે તેઓને હૃદયરોગનો હુમલો આવી જતાં તેમનું મૃત્યુ થયંુ છે. અશોકભાઈ બાલુભાઈએ પોલીસને જાણ કરી છે.
દ્વારકા તાલુકાના ખતુંબા ગામના વાડી વિસ્તારમાં રહેતા ઓધાભા ભીખાભા સુમણીયા (ઉ.વ.પ૮) નામના પ્રૌઢને રવિવારે રાત્રે છાતીમાં દુખાવો ઉપડ્યા પછી તેઓનું હૃદયરોગના હુમલાથી મૃત્યુ નિપજ્યાનું કિશનભા પબુભા સુમણીયાએ પોલીસમાં જણાવ્યું છે. કલ્યાણપુર તાલુકાના રાવલ ગામમાં રહેતા રાજેશભાઈ અરજણભાઈ વાઘેલા રવિવારે સાંજે ઘર પાસે આવેલા પડતર વાડામાં પડેલા લાકડાને હટાવવા જતાં તેઓને વીજવાયરમાંથી શોર્ટ લાગ્યો હતો. તેઓનું મૃત્યુ નિપજ્યું છે. પિતા અરજણભાઈએ પોલીસને જાણ કરી છે.
ખંભાળિયા તાલુકાના કુવાડીયા ગામના વજસીભાઈ રામદેભાઈ ચાવડા નામના યુવાન ગઈકાલે સવારે સ્મશાન નજીક નદીમાં ભેંસને પાણી પીવડાવવા માટે લઈ ગયા હતા ત્યારે પગ લપસી જતા વજસીભાઈ નદીમાં ખાબકી ગયા હતા. તેઓનું ડૂબી જવાથી મૃત્યુ થયાનું પિતા રામદેભાઈ ખીમાભાઈ ચાવડાએ જણાવ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
