Author: નોબત સમાચાર
નવાગામ ઘેડમાં બે જૂથ વચ્ચે મારામારી થતાં પોલીસમાં કરાઈ સામસામી ફરિયાદ
મેળામાં કાકા-ભત્રીજા પર ચાર શખ્સનો હુમલોઃ
જામનગર તા. ૩: જામનગરના પ્રદર્શન મેદાનમાં રવિવારે રાત્રે મેળામાં મહાલી રહેલા કાકા-ભત્રીજા પર ચાર અજાણ્યા શખ્સે હુમલો કર્યાની પોલીસમાં ફરિયાદ કરાઈ છે. જ્યારે નવાગામ ઘેડમાં રવિવારની રાત્રે બે જૂથ વચ્ચે મારામારી થતાં સામ સામી ફરિયાદ કરવામાં આવી છે.
જામનગરના દિગ્જામ સર્કલ નજીક જાગૃતિનગરમાં રહેતા નવીન ભોલાભાઈ પરમાર તથા તેમના કાકા સહિતના વ્યક્તિઓ રવિવારે પ્રદર્શન મેદાનમાં યોજાયેલા લોકમેળામાં ગયા હતા. જ્યાં તેઓ રાત્રિના અગિયારેક વાગ્યે મહાલ્તા હતા ત્યારે ચારેક શખ્સ તેમની સામે કતરાતા હતા તેથી નવીનભાઈએ કેમ કતરાવ છો તેમ પૂછતા ઉશ્કેરાયેલા આ શખ્સોએ ગાળો ભાંડી હતી. તે દરમિયાન એક શખ્સ ક્યાંકથી ધોકો લાવ્યો હતો તે પછી ચારેય શખ્સે હુમલો કરી નવીનભાઈ તથા તેમના કાકાને માર માર્યાે હતો. સિટી એ ડિવિઝન પોલીસ સ્ટેશનમાં નવીનભાઈએ ફરિયાદ નોંધાવી છે.
જામનગરના નવાગામ ઘેડમાં આવેલા ખડખડનગરમાં રહેતા હરીશ રણછોડભાઈ મકવાણા રવિવારે રાત્રે પોતાના બાઈક પર જમવાનું લેવા જતા હતા ત્યારે માર્ગમાં હિતેશ દિલીપભાઈ ગોહિલે તેઓને રોકી બાઈક આપવાનું કહ્યું હતું પરંતુ હરીશે ના પાડતા ઉશ્કેરાયેલા હિતેશ તથા ધર્મેશ દિલીપભાઈ અને ગુલશન રાજકુમારે લાકડી વડે હુમલો કરી હરીશને માર માર્યાે હતો.
આ ફરિયાદની સામે ધર્મેશ દિલીપભાઈ ગોહિલે વળતી ફરિયાદ નોંધાવી તેમાં જણાવ્યું છે કે, અલ્પેશ કોળીના પત્ની કેટરીંગનું કામ કરવા હિતેશ દિલીપભાઈને ત્યાં જતા હતા. તે કામના પૈસા લેવાના બાકી હોય તેની ઉઘરાણી કરતા રવિવારે રાત્રે ખડખડનગરમાં અલ્પેશ તેમજ સંજય, પરેશ કોળીએ પાઈપ, લાકડી વડે ધર્મેશ તથા હિતેશ પર હુમલો કરી ઈજા પહોંેંચાડી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
