Author: નોબત સમાચાર
જામનગરના ધારાસભ્યએ મૂકબધીર-દિવ્યાંગ બાળકો-વડીલો સાથે ધૂળેટી ઉજવી
આણદાબાવા સેવા સંચાલિત આશ્રમ તથા વૃદ્ધાશ્રમમાં
જામનગરના ૭૯-વિધાનસભા વિસ્તારના ધારાસભ્ય દિવ્યેશ અકબરી પોતાના દરેક તહેવારોની ઉજવણી ગરીબ અનાથ તેમજ દિવ્યાંગ બાળકો અને તેમના પરિવાર વિગેરે સાથે કરતા આવે છે, જેના ભાગરૃપે ધૂળેટીનું પર્વ જામનગરની આણદાબાવા સેવા સંસ્થામાં અભ્યાસ કરતા મુક-બધીર તથા અન્ય દિવ્યાંગ બાળકો-વડીલોની સાથે રહીને ધૂળેટીનું પર્વ મનાવી પોતાની સંવેદનશીલતાની અનુભૂતિ કરાવી હતી. આશ્રમમાં રહેતા બાળકોના આવકારથી ધારાસભ્ય દિવ્યેશ અકબરી ભાવુક બન્યા હતાં. જેઓની સાથે રંગોત્સવનો પર્વ મનાવ્યા પછી દરેકને મીઠાં મોઢા કરાવાયા હતાં. ધારાસભ્ય અકબરીએ ગત વર્ષે ધૂળેટીનું પર્વ દિવ્યાંગ બાળકો સાથે જ ઉજવ્યું હતું. જે પરંપરા આ વખતે પણ ચાલુ રાખી હતી અને સવારે ૧૦ વાગ્યે આણદાબાવા સેવા સંસ્થા સંચાલિત આશ્રમના વિદ્યાર્થીઓ તેમજ આણદાબાવા સેવા સંસ્થા સંચાલિત વૃદ્ધાશ્રમમાં રહેતા વડીલો સાથે ધૂળેટી મનાવવા પહોંચ્યા હતાં, ત્યારે આશ્રમના ભૂલકાઓએ પ્રણામ કરીને ધારાસભ્યનું સ્વાગત કર્યું હતું. ત્યારે ધારાસભ્ય દિવ્યેશ અકબરી ખૂબ જ ભાવુક બન્યા હતાં અને પ્રત્યેક બાળકોની સાથે રંગોત્સવનો પર્વ મનાવ્યો હતો. પ્રત્યેક બાળકોના જીવનમાં રંગ ભરવાના પ્રયાસો કર્યા હતાં. સાથોસાથ વડીલોના પણ આશીર્વાદ મેળવી તેઓની સાથે રંગોત્સવ મનાવ્યો હતો. ત્યારબાદ સર્વે બાળકો-વડીલોને મીઠાં મોઢા કરાવ્યા હતાં અને તમામને માટે અલ્પાહારની વ્યવસ્થા ગોઠવી હતી. આ વેળાએ તેઓની સાથે જામનગર મહાનગરપાલિકાના સ્ટેન્ડીંગ કમિટીના ચેરમેન નિલેશ કગથરા, શહેરના અન્ય અગ્રણીઓ પણ જોડાયા હતાં, અને આશ્રમના બાળકો વિગેરેની ખુશીમાં સામેલ થયા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
