Author: નોબત સમાચાર
ગુજરાતમાં લોકસભાની ચૂંટણીમાં ઓવૈસીની એન્ટ્રીઃ ભાજપને ભરૃચ-ગાંધીનગરથી આપશે ફાઈટ
એઆઈએમઆઈએમના ગુજરાત પ્રદેશ પ્રમુખની જાહેરાત
ગાંધીનગર તા. ર૬ઃ ગુજરાત લોકસભાની ચૂંટણીમાં એઆઈએમઆઈએમ દ્વારા ગાંધીનગર અને ભરૃચ લોકસભા બેઠક પરથી ઉમેદવાર ઉતારવાની જાહેરાત થઈ છે.
લોકસભા ર૦ર૪ ની ચૂંટણી અસદુદ્દીન ઓવૈસીની પાર્ટી એ આઈ એમ આઈ એમએ પણ મોટી જાહેરાત કરી છે, જેમાં તેમની પાર્ટી આગામી લોકસભા ચૂંટણીમાં ગુજરાતના ભરૃચ અને ગાંધીનગરથી બેઠક પરથી બે ઉમેદવાર મેદાનમાં ઉતારી શકે છે.
નોંધનીય છે કે હાલમાં કેન્દ્રીય ગૃહમંત્રી અમિત શાહ ગાંધીનગર બેઠક પરથી સાંસદ છે. આ વખતે પણ ભાજપે તેમને આ જ બેઠક પરથી ટિકિટ આપી છે.
એઆઈએમઆઈએમએ શું કહ્યું ?
એઆઈએમઆઈએમ ગુજરાતના પ્રમુખ સાબીર કાબલીવાલાએ કહ્યું છે કે અમારા નેતૃત્વએ ભરૃચ અને ગાંધીનગર લોકસભા બેઠકો પરથી પાર્ટીના ઉમેદવારો ઉભા કરવાનો નિર્ણય લીધો છે. ઉમેદવારોના નામ ટૂંક સમયમાં જાહેર કરવામાં આવશે. ઉલ્લેખનીય છે કે ભરૃચ અને ગાંધીનગર બંને બેઠકો પર મોટી સંખ્યામાં મુસ્લિમ વસ્તી છે. અમિત શાહ ગાંધીનગરથી, મનસુખ વસાવા ભરૃચના સાંસદ છે. બંને નેતાઓ ર૦ર૪ માં પણ આ જ બેઠક પરથી ચૂંટણી લડી રહ્યા છે.
ર૦૧૯ માં યોજાયેલી લોકસભા ચૂંટણીમાં અમિત શાહે ગાંધીનગર બેઠક પરથી મોટી જીત નોંધાવી હતી. અમિત શાહે તેમના વિરોધી કોંગ્રેસના ઉમેદવારને પ,પ૭,૦૧૪ મતોથી હરાવ્યા હતાં. તેમને લગભગ ૮,૯૪,૦૦૦ મત મળ્યા હતાં. કોંગ્રેસે આ વખતે ગાંધીનગરથી સોનલ પટેલને ટિકિટ આપી છે. અહીં કોંગ્રેસ ૧૯૮૪ થી જીતી શકી નથી.
લોકસભાની ચૂંટણી સાત તબક્કામાં યોજાશે. ગુજરાતમાં ત્રીજા તબક્કામાં ૭ મી મે ના રોજ મતદાન થશે. તમામ ર૬ બેઠકો માટે એક સાથે ચૂંટણી યોજાશે. ચોથી જૂને પરિણામ જાહેર થશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
