Author: નોબત સમાચાર
સ્કૂટર તથા બાઈકમાં દારૂની હેરાફેરી કરતા ત્રણ ઝડપાયાઃ છ બોટલ કબજે
શેખપાટ પાસે ખેતરમાંથી મળી આવી એક બોટલઃ
જામનગર તા. ૧૦: જામનગરના જનતાફાટક વિસ્તારથી આગળ આશાપુરા સર્કલ રોડ પર સ્કૂટરમાંથી પોલીસે ચાર બોટલ કબજે કરી છે. જ્યારે એમઈએસ ગેઈટ નજીકથી બાઈકમાં બે બોટલ લઈને જતાં બે શખ્સ ઝડપાયા છે. શેખપાટ પાસે ખેતરમાંથી દારૂની એક બોટલ પોલીસે કબજે કરી છે.
જામનગરના જનતાફાટક વિસ્તારથી આગળ પેટ્રોલપંપ તરફથી આશાપુરા સર્કલ તરફ જવાના માર્ગ પર ગઈકાલે રાત્રે સિટી સી ડિવિઝનના સ્ટાફ દ્વારા કરવામાં આવી રહેલા પેટ્રોલિંગમાં પસાર થયેલા જીજે-૧૦-ડીકે ૯૬૨૯ નંબરના એક્સેસને રોકવામાં આવ્યું હતું.
તે સ્કૂટરની તલાશી લેવાતા તેમાંથી અંગ્રેજી શરાબની ચાર બોટલ મળી આવી હતી. બોટલ સાથે એમ્યુઝમેન્ટ પાર્ક નજીક શક્તિ સોસાયટીમાં રહેતા યુવરાજસિંહ અનોપસિંહ ભટ્ટી નામના શખ્સની ધરપકડ કરાઈ છે.
જામનગરના રણજીત સાગર રોડ પર એમઈએસ કોલોનીના ગેઈટ પાસેથી ગઈકાલે રાત્રે પસાર થતાં જીજે-૧૦-સીએફ ૫૨૦૯ નંબરના બાઈકને પોલીસે રોકાવી તેના ચાલક શંકરટેકરી શાસ્ત્રીનગર વાળા યુવરાજસિંહ બાલુભા કેર અને નવી નિશાળ પાસે રહેતા ભરતસિંહ જયુભા જાડેજા નામના શખ્સની તલાશી લેતાં આ શખ્સોના કબજામાંથી દારૂની બે બોટલ મળી આવી હતી. પોલીસે બોટલ તથા બાઈક કબજે કરી લઈ બંનેની પૂછપરછ કરતા તેઓએ પોતાના સાગરિત હાપા ગામના પરેશ ધોકીયાનું નામ આપ્યું છે.
જામનગર-રાજકોટ માર્ગ પર આવેલા શેખપાટ ગામની સીમમાં સોઢા વનરાજસિંહ હેમતસિંહની વાડીમાં ગઈકાલે સાંજે પંચકોશી એ ડિવિઝન પોલીસ સ્ટેશનના સ્ટાફે દરોડો પાડી તલાશી લેતા ત્યાંથી દારૂની એક બોટલ મળી આવી હતી. આરોપી વનરાજસિંહ ત્યાંથી ન મળતા પોલીસે તેને ફરાર જાહેર કરી બોટલ કબજે કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
