Author: નોબત સમાચાર
જામનગરના ખાખીનગરમાં મકાનમાંથી પકડાઈ ઈંગ્લીશ શરાબની તેર બોટલ
ઝડપાયેલા આરોપીએ સપ્લાયરનું નામ આપ્યું:
જામનગર તા. ૧૭: જામનગરના ગોકુલનગર પાસે ખાખીનગરમાં એક મકાનમાંથી પોલીસે અંગ્રેજી શરાબની તેર બોટલ કબજે કરી છે. જથ્થા સાથે ઝડપાયેલા શખ્સે પોરબંદર જિલ્લાના હનુમાનગઢ ગામના સપ્લાયરનું નામ આપ્યું છે. ગણપતનગર નજીક બાવરી વાસમાં ઝૂંપડામાંથી દેશી દારૂ બનાવતી ભઠ્ઠી પકડાઈ છે.
જામનગરના ગોકુલનગર વિસ્તારમાં આવેલા ખાખીનગર સ્થિત એક મકાનમાં અંગ્રેજી શરાબનો જથ્થો ૫ડ્યો હોવાની બાતમી મળતા ગઈકાલે રાત્રે સિટી સી ડિવિઝનના સ્ટાફે ત્યાં આવેલા મનસુખ ઉકાભાઈ શિંગળ નામના શખ્સના મકાનમાં દરોડો પાડી તલાશી લીધી હતી.
આ મકાનમાંથી અંગ્રેજી શરાબની તેર બોટલ મળી આવી હતી. પોલીસે રૂ.૬૫૦૦ની કિંમતની બોટલ કબજે કરી મનસુખ ઉકાભાઈની ધરપકડ કરી છે. આ શખ્સે તે જથ્થો પોરબંદર જિલ્લાના હનુમાનગઢ ગામના ભરત વેજાભાઈ કટારા પાસેથી લીધો હોવાની કબૂલાત આપી છે. બંને સામે ગુન્હો નોંધાયો છે.
જામનગરના દિગ્જામ વુલન મીલ વિસ્તારમાં આવેલા ગણપતનગર નજીકના બાવરી વાસમાં સંગીતાબેન કાનાભાઈ કોળી નામના મહિલાના ઝૂંપડામાં ગઈકાલે સિટી સી ડિવિઝનના સ્ટાફે દરોડો પાડતા ત્યાંથી દેશી દારૂ બનાવવાની ભઠ્ઠી મળી આવી હતી. સ્થળ પરથી તૈયાર દેશી દારૂ, આથો, ભઠ્ઠીના સાધનો કબજે કરાયા છે. દરોડા પહેલાં સંગીતાબેન નાસી ગયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
