Author: નોબત સમાચાર
ઝઘડામાં કેમ રસ લે છે તેમ કહી ભીમરાણાના યુવાનને ધમકાવાયો
દાંડિયા હનુમાન મંદિર પાસે મારામારી કરતા બે પકડાયાઃ
જામનગર તા. ૧૭: દ્વારકા જિલ્લાના ભીમરાણા ગામના એક યુવાનને સોમવારે મોટરમાં આવેલા શખ્સે મારા ઝઘડામાં તમે પિતા-પુત્ર કેમ રસ લો છો તેમ કહી ગાળો ભાંડી છરી બતાવી ધમકી આપ્યાની ફરિયાદ કરાઈ છે. જ્યારે જામનગરમાં દાંડિયા હનુમાન પાસે જાહેરમાં મારામારી કરતા બે શખ્સને પોલીસે પકડી બંને સામે ગુન્હો નોંધ્યો છે.
દેવભૂમિ દ્વારકા જિલ્લાના મીઠાપુર નજીકના ભીમરાણા ગામની કૃષ્ણનગર સોસાયટીમાં રહેતા મેઘરાજ હાજાભા ભગાડ નામના ટ્રાન્સપોર્ટર સોમવારે મંદિર પાસે હતા ત્યારે ભીમરાણા ગામના મહાવીર સિંહ જયેન્દ્રસિંહ વાઢેર મોટર લઈને આવ્યા હતા.
આ શખ્સે તું તથા તારા પિતા મારી અને પરબતભા કનુભા માણેકની માથાકૂટમાં કેમ રસ લો છો તેમ કહી ગાળો ભાંડી છરી બતાવી જાનથી મારી નાખવાની ધમકી આપી હતી. મેઘરાજે મીઠાપુર પોલીસ સ્ટેશનમાં ફરિયાદ કરી છે.
જામનગરના દાંડિયા હનુમાન મંદિર સામે આવેલી વડાપાઉંની દુકાન નજીક ગઈકાલે રાત્રે જી.જી. હોસ્પિટલ પાછળ રહેતા શૈલેષ કિશોરભાઈ લાલ તથા પંકજ સોસાયટીમાં રહેતા ભરત પ્રવીણભાઈ રાયાણી નામના બે શખ્સ જાહેરમાં મારામારી કરી બખેડો કરતા હતા. તેની પોલીસને જાણ કરાતા દોડી આવેલા પીએસઆઈ ડી.જી. રાજે બંનેની અટકાયત કરી બીએનએસની કલમ ૧૯૪ (ર) હેઠળ કાર્યવાહી કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
