Author: નોબત સમાચાર
દ્વારકાના મુળવાસર પાસે સ્લીપ થયેલા બાઈકમાંથી ફંગોળાયેલા યુવાનનું મૃત્યુ
બાઈક ચલાવી રહેલા શખ્સ સામે નોંધાયો ગુન્હોઃ
જામનગર તા. ૧૭: દ્વારકા તાલુકાના નાગેશ્વર નજીક મીઠી ખારી પાસે ત્રણ સપ્તાહ પહેલાં રાત્રિના સમયે એક બાઈક સ્લીપ થયું હતું. જેમાં પાછળ બેસેલા જામનગરના એક યુવાનને ગંભીર ઈજા થઈ હતી. તેઓનું સારવારમાં મૃત્યુ નિપજ્યું છે. મોટરસાયકલ ચલાવી રહેલા મૂળ બિહારના શખ્સ સામે મૃતકના પિતાએ ફરિયાદ નોંધાવી છે.
જામનગરના નવાગામ ઘેડ વિસ્તારમાં આવેલી મધુરમ સોસાયટીમાં રહેતા મૂળ દ્વારકા જિલ્લાના ગોરીંજા ગામના નાગશીભા કાયાભા કેર નામના વૃદ્ધના પુત્ર હરીસંગભા તથા મૂળ બિહાર રાજ્યના વતની અને હાલમાં સુરતના હજીરા વિસ્તારમાં વસવાટ કરતા રઘુ કુમાર નરેશપ્રસાદ કુશવાહ ગઈ તા.ર૭ની રાત્રે દ્વારકા તાલુકાના મુળવેલ ગામથી મુળવાસર ગામ તરફ મોટરસાયકલ પર જઈ રહ્યા હતા.
તેઓ જ્યારે નાગેશ્વર સીમ નજીક મીઠી ખારી પાસે પહોંચ્યા ત્યારે બાઈક ચલાવી રહેલા રઘુકુમારે કાબુ ગૂમાવતા બાઈક સ્લીપ થઈ ગયું હતું. તેના પરથી હરીસંગભા તથા રઘુકુમાર ફેંકાઈ ગયા હતા. માથા સહિતના શરીરના અન્ય ભાગોમાં ગંભીર ઈજા પામેલા હરીસંગભાને સારવાર માટે હોસ્પિટલમાં ખસેડવામાં આવ્યા હતા. આ યુવાનનું સારવાર દરમિયાન મૃત્યુ નિપજ્યું છે.
મોટરસાયકલના ચાલક રઘુકુમાર સામે મીઠાપુર પોલીસ સ્ટેશનમાં નાગશીભાએ ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
