Author: નોબત સમાચાર
ભાણવડના હત્યા પ્રયાસના ગુન્હામાં બે વર્ષથી ફરાર બે આરોપીની ધરપકડ
એક આરોપી સામે ત્રણ જિલ્લામાં નોંધાયા છે ૩૬ ગુન્હાઃ
જામનગર તા. ૨૧ઃ ભાણવડ પાસેથી દેવભૂમિ દ્વારકાના ડીવાયએસપીની સ્કવોડે બે શખ્સને પકડી પાડ્યા છે. આ શખ્સો સામે બે વર્ષ પહેલાં ભાણવડમાં હત્યા પ્રયાસ સહિતનો ગુન્હો નોંધાયેલો છે. એક આરોપી સામે ત્રણ જિલ્લામાં કુલ ૩૬ અને બીજા સામે બે ગુન્હામાં છ ગુન્હા નોંધાઈ ચૂક્યા છે.
દેવભુમિ દ્વારકા જિલ્લામાં લોકસભાની ચૂંટણી મુક્ત વાતાવરણમાં સર્જાય અને કોઈ અનિચ્છનીય બનાવ ન બને તે માટે નાસતા ફરતા આરોપીને પકડી પાડવા એસપી નિતેશ પાંડેયે આપેલી સૂચનાના પગલે ગઈકાલે ડીવાયએસપી ડો. હાર્દિક પ્રજાપતિ તથા સ્ટાફ દ્વારા કરવામાં આવી રહેલા પેટ્રોલીંગમાં બાતમી મળી હતી કે, ભાણવડના હત્યા પ્રયાસના એક ગુન્હામાં બે વર્ષથી નાસતો ફરતો આરોપી ભાણવડ તરફ આવ્યો છે.
તે બાતમીના આધારે હાલમાં જામનગરના નાઘેડીમાં રહેતા અને મૂળ પોરબંદરના રાણાવાવ તાલુકાના રામગઢ ગામના રામ જીવાભાઈ ઉર્ફે રામકા મોઢવાડીયા નામના શખ્સને તેમજ કુતિયાણાના અમર ગામના રણજીત લીલાભાઈ ભુતીયા નામના શખ્સોને પકડી પાડવામાં આવ્યા છે. આ શખ્સોમાંથી રામકા સામે દ્વારકા, જામનગર તથા સુરેન્દ્રનગર જિલ્લામાં દારૂબંધી ભંગ સહિતના જુદા જુદા ૩૬ ગુન્હા નોંધાયેલા છે. જ્યારે રણજીત ભુતીયા સામે જામનગરમાં ચાર તેમજ ભાણવડ અને કલ્યાણપુરમાં એક-એક ગુન્હા નોંધાયેલા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
