Author: નોબત સમાચાર
ચોરીછૂપીથી ફોટા પાડતો શખ્સ યુવતીના ભાઈને જોઈને છત પરથી કૂદીને થયો પલાયન
અવારનવાર કુદ્રષ્ટિ કરતા શખ્સ સામે નોંધાયો ગુન્હોઃ
જામનગર તા. ૨૧ઃ જામનગરના એક વિસ્તારમાં રહેતી યુવતીના ઘર પર છત પરથી ઉતરેલા એક શખ્સે તે યુવતીના બાથરૂમની બારીમાંથી ફોટા પાડવાનું શરૂ કર્યું હતું. આ વેળાએ જ તે યુવતીનો ભાઈ આવી જતાં આ શખ્સ છત પરથી કૂદીને નાસી ગયો હતો. તેની સામે પોલીસમાં ફરિયાદ નોંધાવાતા પોલીસે આ શખ્સ સામે ગુન્હો નોંધી તેની સઘન શોધખોળ શરૂ કરી છે.
આ ચકચારી કિસ્સાની વધુ વિગત મુજબ જામનગરના બાઈની વાડી વિસ્તારમાં રહેતા વિજય દાનાભાઈ પરમાર નામના શખ્સે એક યુવતી પર કુદ્રષ્ટિ કરી હતી. આ શખ્સે તે યુવતી જ્યારે જ્યારે પોતાના ઘરની બહાર નીકળે ત્યારે તેણી સામે અણછાજતા ઈશારાઓ કરી પોતાનો બદઈરાદો જાહેર કર્યાે હતો. આ યુવતી વિજયની હરકતોને નજરઅંદાજ કરી રહી હતી. તેથી આ શખ્સ વધુ હિમતમાં આવ્યો હતો.
તે દરમિયાન વિજયે વધુ એક હરકત આચરી હતી. આ યુવતી પોતાના ઘરમાં જ્યારે સ્નાન કરતી હતી ત્યારે બાજુમાં આવેલા મકાન પરથી યુવતીના મકાનની છત પર ઉતરી વિજયે બાથરૂમ સુધી પહોંચી તેની બારીમાંથી ડોકિયા કર્યા હતા અને બારીમાંથી જ તે યુવતીના ફોટા પાડવાનુું શરૂ કર્યું હતું.
આ વેળાએ જ તે યુવતીનો ભાઈ આવી જતાં તેને જોઈને ગભરાયેલો વિજય છત પરથી દોટ મૂકીને નાસી ગયો હતો. ત્યારપછી આ બાબતની સિટી-એ ડિવિઝન પોલીસ સ્ટેશનમાં ફરિયાદ નોંધાવવામાં આવી છે. પોલીસે આઈપીસી ૩૫૪ (એ) ૩૫૪ (સી), ૪૪૭ હેઠળ ગુન્હો નોંધ્યો છે. પીએસઆઈ ટી.ડી. બુડાસણાએ આ શખ્સને પકડી પાડવા ચક્રો ગતિમાન કર્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
