Author: નોબત સમાચાર
પડાણા પાટિયા પાસે પદયાત્રીઓની સેવા માટે જતાં વાહનને અકસ્માતઃ છને ઈજા
સામેથી આવતા ટ્રક સાથે છોટા હાથી ટકરાયંુઃ
જામનગર તા. ૨૧ઃ જામનગર-ખંભાળિયા માર્ગ પર ગઈકાલે સાંજે પદયાત્રીઓની સેવા માટે એક પરિવારનંુ છોટા હાથી સામાન સાથે જઈ રહ્યું હતું ત્યારે પડાણા નજીક સામેથી આવતા ટ્રક સાથે અકસ્માત થતાં ગર્ભવતી મહિલા સહિત છ વ્યક્તિને ઈજા થઈ હતી.
જામનગરના એક પરિવારના મહિલાઓ સહિતના વ્યક્તિઓ ગઈકાલે દ્વારકા ચાલીને દર્શનાર્થે યાત્રાળુઓની સેવા માટે કેટલોક ખાવા, પીવાનો સામાન સાથે રાખી છોટા હાથીમાં ખંભાળિયા તરફ જવા માટે નીકળ્યો હતો.
આ પરિવારનું વાહન ગઈકાલે સાંજે છએક વાગ્યે જ્યારે ખંભાળિયા ધોરીમાર્ગ પર પડાણા ગામ પાસે પહોંચ્યું ત્યારે સામેથી આવતા એક ટ્રક સાથે અથડાઈ પડતા છોટા હાથીમાંથી ગર્ભવતી મહિલા સહિતના છ વ્યક્તિઓ રોડ પર ફેંકાઈ ગયા હતા.
ઉપરોક્ત અકસ્માતની જાણ થતાં મેઘપર પોલીસ સ્ટેશનનો સ્ટાફ તથા ૧૦૮ ધસી આવ્યા હતા. તમામ ઈજાગ્રસ્તોને એમ્બ્યુલન્સમાં સારવાર માટે જી.જી. હોસ્પિટલમાં ખસેડવામાં આવ્યા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
