Author: નોબત સમાચાર
જામનગર લોકસભા બેઠક પર કોંગ્રેસના ઉમેદવાર તરીકે જે.પી. મારવીયાનું નામ નક્કી
કોંગ્રેસ મોવડીમંડળમાં થઈ ચર્ચાઃ સાંજે નામની સત્તાવાર જાહેરાત થવાની શક્યતા
જામનગર તા. ર૧ઃ ૧ર- જામનગર લોકસભા મતવિસ્તાર માટે કોંગ્રેસના ઉમેદવાર તરીકે જે.પી. મારવીયાનું નામ નક્કી થઈ ગયું હોવાનું જાણવા મળે છે.
જામનગર જિલ્લા પંચાયતની નિકાવા (કાલાવડ તાલુકા)ની બેઠક પરથી સભ્ય તરીકે ચૂંટાયેલા જે.પી. મારવીયાએ ટેલિફોનિક વાતચીતમાં જણાવ્યું કે કોંગ્રેસની નેતાગીરી તરફથી તેમને જાણ કરી દેવામાં આવી છે અને તેઓ લોકસભાની ચૂંટણી લડશે તેમ પણ જણાવ્યું હતું.
નવી દિલ્હીમાં કોંગ્રેસની સીડબલ્યુસીની બેઠકમાં ગુજરાતની બેઠકો માટે થઈ રહેલી ચર્ચામાં જામનગરની બેઠક પર જે.પી. મારવીયાના નામ પર મહોર લાગી ગઈ છે. આ ઉપરાંત રાજકોટ બેઠક માટે પરેશ ધાનાણી, નવસારી બેઠક માટે મુમતાઝ પટેલ, ખેડા બેઠક માટે કાળુસિંહ ડાભી તેમજ સાબરકાંઠા બેઠક માટે તુષાર ચૌધરીના નામ નક્કી થઈ ગયા છે. જો કે, કોંગ્રેસના ઉમેદવારોના નામની સત્તાવાર જાહેરાત આજ સાંજ સુધીમાં થઈ જવાની ધારણા છે.
જામનગર લોકસભા બેઠક માટે ભાજપ તરફથી વર્તમાન સાંસદ પૂનમબેન માડમને સતત ત્રીજી વખત ઉમેદવાર તરીકે જાહેર કરાયા છે ત્યારે આ વખતની ચૂંટણીમાં આહિર ઉમેદવાર અને પાટીદાર ઉમેદવાર વચ્ચે મુખ્ય સ્પર્ધા થશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
