Author: નોબત સમાચાર
લાલપુરના સેતાલુસ પાસે બાઈક સ્લીપ થતાં ઘવાયેલા પ્રૌઢનું સારવારમાં મૃત્યુ
મૃતકના ભાઈનું પોલીસે નોંધ્યું નિવેદનઃ
જામનગર તા. ૨૧ઃ જામનગરના દિગ્વિજય પ્લોટ વિસ્તારમાં રહેતા એક સતવારા પ્રૌઢ સોમવારે સવારે લાલપુરના સેતાલુસ ગામ નજીકથી બાઈકમાં જતા હતા ત્યારે સ્લીપ થઈને પછડાયા હતા. માથામાં ગંભીર ઈજા પામેલા આ પ્રૌઢનું સારવારમાં મૃત્યુ થયું છે. પોલીસે મૃતકના મોટાભાઈનું નિવેદન નોંધ્યું છે.
જામનગરના દિગ્વિજય પ્લોટ વિસ્તારની શેરી નં.૫૮માં કૃષ્ણ કોલોનીમાં રહેતા મૂળ આમરા ગામના બેચરભાઈ ધરમશીભાઈ કણઝારીયાના નાનાભાઈ વસંતભાઈ (ઉ.વ.પ૧) સોમવારે સવારે નવેક વાગ્યે લાલપુર તાલુકાના સેતાલુસ ગામથી પીપળી ગામ તરફ પોતાના મોટરસાયકલ પર જઈ રહ્યા હતા.
તેઓ જ્યારે કાનાલુસ રોડ પર પહોંચ્યા ત્યારે કોઈ રીતે તેમનું મોટરસાયકલ સ્લીપ થતાં રોડ પર ફેંકાઈ ગયેલા વસંતભાઈને માથા સહિતના શરીરના અન્ય ભાગોમાં ગંભીર ઈજા થઈ હતી. સારવાર માટે જામનગરની જી.જી. હોસ્પિટલમાં ખસેડવામાં આવેલા આ પ્રૌઢનું ગઈકાલે મૃત્યુ નિપજ્યું છે. બેચરભાઈએ પોલીસને જાણ કરી છે. મેઘપર પોલીસ સ્ટેશનના જમાદાર આઈ.ડી. જાડેજાએ અપમૃત્યુની નોંધ કરી તપાસ હાથ ધરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
