Author: નોબત સમાચાર
જામનગર શહેર તથા જિલ્લામાં દેશી દારૂની બદી ડામવા પોલીસના દરોડા
તૈયાર દારૂ, આથો તથા ભઠ્ઠીના સાધનો કબજે કરાયાઃ
જામનગર તા. ૨૧ઃ જામનગર શહેર તથા જિલ્લાના લાલપુર, કાલાવડ, ધ્રોલમાં ગઈકાલે પોલીસે દેશી દારૂ, આથો તથા ભઠ્ઠી પકડવા સોળ દરોડા પાડ્યા હતા. તેમાં પોલીસને તૈયાર દેશી દારૂ, આથો તેમજ ભઠ્ઠીના સાધનો મળી આવ્યા હતા.
જામનગરના રણજીત સાગર રોડ પર મારવાડીવાસમાં આવેલા ડાઈબેન ધનાભાઈ ભાટી નામના મહિલાના મકાનમાં ગઈકાલે પોલીસે દરોડો પાડતા ત્યાંથી દેશી દારૂની ભઠ્ઠી મળી આવી હતી. સ્થળ પરથી આથો, ભઠ્ઠીના સાધનો કબજે કરાયા છે.
નગરમાં વુલન મીલ રોડ પર ખેતીવાડી ફાટક નજીકના બાવરીવાસમાં ગીતાબેન રામ નારાયણ ડાભીના ઝૂંપડામાંથી પણ દારૂની ભઠ્ઠી મળી આવી છે. શકુંતલા દીપક કોળી તેમજ સિદ્ધાર્થનગર શેરી નં.રમાં જયેશ કિશન પરમાર નામના શખ્સને દેશી દારૂની ભઠ્ઠી પર પોલીસે દરોડો પાડ્યો હતો. ત્યાં જ આવેલા અનિલ મોહન ચૌહાણ, જોગણીનગર પાસે બાવરીવાસમાં ગૌરીબેન રમેશ બાવરી, છાયાબેન બોદુ વઢીયારની પણ દેશી દારૂની ભઠ્ઠી ઝડપાઈ ગઈ છે.
લાલપુરના પીપળી ચારણ નેસમાં આલા પબા ગુજરીયાની તેમજ જોગવડમાં અબડા વાલસુર સુમેત, દેવગુણ લખમણ ચારણ, જગા દેવજી ઘોડાની ભઠ્ઠી પર પણ પોલીસે દરોડા પાડ્યા હતા. ધ્રોલમાં ગાયત્રીનગરમાં રફીક સુમાર રાઠોડની ભઠ્ઠી પોલીસે પકડી પાડી છે.
જામનગરના દરેડ પાસે જશુબા ભીખુભા જાડેજા નામના મહિલાના મકાનમાંથી આથો મળી આવ્યો છે. નાગઈબેન નાગાજણ ગુજરીયા નામના મહિલાના ઝૂંપડામાંથી આથો, ભઠ્ઠીના સાધનો, તૈયાર દારૂ મળી આવ્યા છે. કાલાવડના ખંઢેરામાં દેવીપૂજક વાસમાંથી પુના કાના વાઘેલા, નિકાવા ગામમાંથી લક્ષ્મીબેન ભગા દાફડાના કબજામાંથી આથો ઝબ્બે લેવાયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
