Author: નોબત સમાચાર
જામનગરના પીઠડનગર પાસેથી ચોરાઈ ગયેલા બાઈક સાથે એક શખ્સ ઝડપાયો
રૂા.૭૦ હજારનું બાઈક કબજે કરાયુંઃ
જામનગર તા. ૨૭ઃ જામનગરના પીઠડનગર પાસે ત્રણ સપ્તાહ પૂર્વે રૂા.૭૦ હજારનું નવું નક્કોર બાઈક ચોરાઈ ગયું હતું. તેની તપાસ દરમિયાન પોલીસે ખોળમીલના ઢાળીયા પાસે રહેતા શખ્સને ચોરાઉ બાઈક સાથે પકડી પાડ્યો છે. આ શખ્સે બાઈક ચોરીની કબૂલાત આપી છે.
જામનગરના ત્રણ માળીયા આવાસ નજીક પીઠડનગર પાસે ગઈ તા.૫ના દિને એક આસામીએ જીજે-૧૦-ડીપી ૯૪૪૩ નંબરનું હીરો મોટર સાયકલ રાખ્યું હતું. ત્યાંથી ભરબપોરે માત્ર એક કલાકમાં તે વાહનની ઉઠાંતરી થઈ ગયાની પોલીસમાં ફરિયાદ કરાઈ હતી.
તેની તપાસ સિટી સી ડિવિઝન પોલીસ દ્વારા કરવામાં આવી રહી હતી. તેમાં સ્ટાફના વનરાજ ખવડ, ખીમશીભાઈ, મહાવીરસિંહને મળેલી બાતમીના આધારે પીઆઈ જે.વી. ચૌધરીની સૂચના અને પીએસઆઈ વી.બી. બરબરસીયાના વડપણ હેઠળ સ્ટાફે વોચ રાખી સમર્પણ સર્કલથી દિગ્જામ સર્કલ તરફ બાઈક પર આવી રહેલા ખોળ મીલના ઢાળીયા નજીક રામનગર પાસે રહેતા યશપાલસિંહ ચંદુભા જાડેજા નામના શખ્સને રોક્યો હતો.
આ શખ્સની પૂછપરછ કરાતા તેણે પોતાની પાસે રહેલુ બાઈક ચોરાઉ હોવાની કબૂલાત આપી હતી. પોલીસે રૂા.૭૦ હજારનું બાઈક કબજે કરી યશપાલસિંહની ધરપકડ કરી પૂછપરછ આદરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
