Author: નોબત સમાચાર
બાળ પ્રતિભા શોધ અંતર્ગત ૭ થી ૧૩ વર્ષના બાળ કલાકારોની વિવિધ સ્પર્ધા
૧૦ ઓગસ્ટ સુધીમાં અરજી કરવા તાકીદઃ
જામનગર તા. ૨૭ઃ રમત ગમત યુવા અને સાંસ્કૃતિક પ્રવૃત્તિઓ વિભાગ, ગાંધીનગર દ્વારા કલા અને કલા પ્રવૃત્તિને ઉત્તેજન આપવાના હેતુથી ખાસ બાળ કલાકારોને પ્રોત્સાહિત કરવા બાળપ્રતિભા શોધ સ્પર્ધા-૨૦૨૪-૨૫નું આયોજન આગામી દિવસોમાં કરવામાં આવનાર છે. જેમાં ચિત્રકલા, નિબંધ, વકતૃત્વ, સર્જનાત્મક કારીગરી, લગ્નગીત, લોકવાદ્ય, એકપાત્રીય અભિનય, દોહા-છંદ, ચોપાઈ, લોકવાર્તા, લોકગીત, ભજન, સમૂહગીત, લોકનૃત્ય જેવી કૃતિઓમાં જામનગર શહેર તથા ગ્રામ્ય વિસ્તારમાંથી ભાગ લેવા ઈચ્છતા ૭ થી ૧૩ વર્ષના બાળ કલાકારો જે શાળામાં ભણતા હોય તેઓએ ફરજીયાત શાળામાંથી જ અરજી કરવાની રહેશે તેમજ અભ્યાસ ન કરતા તેમજ બાળ નાટ્ય અને નૃત્ય નાટીકાના સ્પર્ધકોએ જિલ્લા યુવા અને સાંસ્કૃતિક પ્રવૃત્તિઓની કચેરી, જિલ્લા સેવા સદન ૪, રૂમ નં. ૪૨, પહેલા માળે, રાજપાર્ક પાસે, જામનગરમાં તા. ૧૦-૦૮-૨૪ બપોરે ૧૨ કલાક સુધીમાં અરજી કરવાની રહેશે. વધુ વિગત માટે અત્રેની કચેરીના ફોન ૦૨૮૮ ૨૫૭૧૨૦૯નો સંપર્ક કરવો. તેમ જિલ્લા યુવા વિકાસ અધિકારી જામનગરની યાદીમાં જણાવ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
