Author: નોબત સમાચાર
ટીટોડી વાડીમાં મકાનમાંથી મળી દારૂની ૧૯૨ બોટલઃ બાડામાંથી ૨૪ ચપલા કબજે
નવાગામ ઘેડ, ગીગણી તથા પટેલનગરમાંથી દારૂ સાથે ત્રણ શખ્સ ઝડપાયાઃ
જામનગર તા. ૨૭ઃ જામનગરના ખોજાનાકા નજીકની ટીટોડી વાડી પાસે એક શખ્સના મકાનમાંથી પોલીસે દારૂની ૧૯૨ બોટલ પોલીસે પકડી પાડી છે. બાડા ગામમાં એક શખ્સના મકાનમાંથી દારૂના ૨૪ ચપલા ઝબ્બે થયા છે. પટેલનગરમાં એક મકાનમાંથી ત્રણ બોટલ અને ગીંગણી ગામ પાસેથી બે ચપલા સાથે એક શખ્સ ઝડપાયો છે. ગોપાલ ચોકમાંથી બે બોટલ સાથે એકને પોલીસે ઝડપી લીધો છે.
જામનગરના ખોજાનાકા નજીક આવેલા એક શખ્સના મકાનમાં દારૂનો જથ્થો મંગાવીને રાખવામાં આવ્યો હોવાની બાતમી પરથી ગઈકાલે રાત્રે સિટી એ ડિવિઝનના પીઆઈ એન.એ. ચાવડાની સૂચનાથી પીએસઆઈ એમ.એન. રાઠોડ તથા સર્વેલન્સ સ્ટાફે ટીટોડી વાડી પાછળ કોયલ વાડી સામે તન્વીર અબ્દુલ બ્લોચ નામના શખ્સના મકાનમાં દરોડો પાડી તલાશી લીધી હતી.
આ મકાનમાંથી ભારતીય બનાવટના અંગ્રેજી શરાબની ૧૯૨ બોટલ મળી આવી હતી. પોલીસે રૂા.૯૬ હજારની દારૂની બોટલ કબજે લીધી છે. દરોડા પહેલાં નાસી ગયેલા તન્વીરની શોધ શરૂ કરવામાં આવી છે. આ શખ્સ સામે જમાદાર આર.એ. જાડેજાએ ખુદ ફરિયાદી બની ગુન્હો રજીસ્ટર કરાવ્યો છે.
જામનગર-કાલાવડ માર્ગ પર આવેલા અલીયા નજીકના બાડા ગામમાં વિશાલસિંહ બાબભા જાડેજા નામના શખ્સના મકાનમાં દારૂનો જથ્થો પડ્યો હોવાની બાતમી પરથી ગઈકાલે પંચકોશી એ ડિવિઝન પોલીસે દરોડો પાડ્યો હતો. આ શખ્સના મકાનમાંથી દારૂના ૨૪ ચપલા મળી આવ્યા હતા. દરોડા પહેલાં વિશાલસિંહ નાસી ગયો હતો.
જામનગરના રણજીત સાગર રોડ પર આવેલા પટેલ નગરની શેરી નં.૩માં અક્ષય વિજયભાઈ અઢીયા નામના શખ્સના મકાનમાં ગઈકાલે સાંજે સિટી એ ડિવિઝનના સર્વેલન્સ સ્ટાફે દરોડો પાડી તલાશી લેતાં ત્યાંથી રૂા.૧૨ હજારની કિંમતની દારૂની ચાર બોટલ મળી આવી હતી. પોલીસે બોટલ કબજે કરી અક્ષયની ધરપકડ કરી છે.
જામજોધપુર તાલુકાના ગીંગણી ગામથી માલવડાનેસ તરફ જવાના રસ્તા પરથી ગઈકાલે પસાર થતાં દિનેશભાઈ નારણભાઈ સરવૈયા નામના શખ્સને પોલીસે શકના આધારે રોકાવી ચેક કરતા તેના કબજામાંથી દારૂના બે ચપલા મળી આવ્યા હતા.
જામનગરના નવાગામ ઘેડમાં ગોપાલ ચોક પાસેથી ધર્મેન્દ્રસિંહ જશવંતસિંહ જાડેજા નામનો શખ્સ દારૂની બે બોટલ સાથે ઝડપાયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
