Author: નોબત સમાચાર
કવિ કિરીટ ગોસ્વામીને 'ડો. અનંત ઓઝા સ્મૃતિ બાળસાહિત્ય પુરસ્કાર' આપવાની ઘોષણા
નગરના કવિને રાષ્ટ્રીય કક્ષાનો પુરસ્કાર થશે એનાયતઃ
જામનગર તા. ૨૧: તાજેતરમાં 'બાલવાટિકા' સામયિક (રાજસ્થાન) દ્વારા રાષ્ટ્રીય કક્ષાના વિવિધ પુરસ્કાર ઘોષિત થયા છે જે અંતર્ગત નગરના કવિ અને ગુજરાતીના ખ્યાતનામ બાળસાહિત્યકાર કિરીટ ગોસ્વામીને બાળસાહિત્યમાં વિશિષ્ટ પ્રદાન બદલ 'ડો. અનંત ઓઝા સ્મૃતિ બાળસાહિત્ય પુરસ્કાર' એનાયત કરવાની ઘોષણા થઈ છે. આ પુરસ્કાર આગામી ઓક્ટોબરમાં ભીલવાડા (રાજસ્થાન) માં યોજાનાર રાષ્ટ્રીય બાળસાહિત્ય સંગોષ્ઠિ ર૦ર૪ કાર્યક્રમમાં અર્પણ કરવામાં આવશે.
ઉલ્લેખનિય છે કે, કેન્દ્રિય સાહિત્ય અકાદેમી, દિલ્હી તરફથી અપાતો બાળસાહિત્યનો રાષ્ટ્રીય પુરસ્કાર (ર૦રર) કિરીટ ગોસ્વામીના બાળગીતસંગ્રહ 'ખિસકોલીને કમ્પ્યુટર છે લેવું!' માટે તેમને એનાયત થઈ ચૂક્યો છે. ગુજરાત અને મહારાષ્ટ્ર રાજ્યના પાઠ્યપુસ્તકોમાં એમની રચનાઓ સ્થાન પામેલ છે.
આધુનિક સમયના ગિજુભાઈ કે પછી 'ટોપીવાળા મા' જેવા બિરૂદ પામનાર કિરીટ ગોસ્વામીને ફરી એક વખત રાષ્ટ્રીય પુરસ્કાર એનાયત થવાની ઘોષણાને પગલે નગરના ગૌરવમાં વધારો થયો છે અને સાહિત્ય જગત દ્વારા તેમના પર અભિનંદનવર્ષા થઈ રહી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
