Author: નોબત સમાચાર
ઈરાનમાં પાકિસ્તાનના શિયા સમુદાયના શ્રદ્ધાળુઓની બસ પલટી જતા ૩પ ના મોત
બન્ને દેશોમાં હાહાકારઃ બ્રેક ફેલ થઈ હતી
તહેરાન તા. ર૧: ઈરાનમાં પાકિસ્તાનના શિયા સમુદાયના શ્રદ્ધાળુઓની બસ પલટી જતા ૩પ લોકોના મોત થયા છે. જેથી બન્ને દેશોમાં હાહાકાર મચી ગઈ છે.
પાકિસ્તાનથી ઈરાક જતા શિયા સમુદાયના શ્રદ્ધાળુઓની એક બસ દુર્ઘટનાગ્રસ્ત થતાં હાહાકાર મચી ગયો હતો. માહિતી મુજબ શ્રદ્ધાળુઓથી ભરેલી આ બસ સેન્ટ્રલ ઈરાનમાં દુર્ઘટનાગ્રસ્ત થઈ જેમાં ૩પ લોકો મૃત્યુ પામ્યા હતાં. એક અધિકારીએ આ માહિતી આપી હતી.
ઈરાનની સરકારી મીડિયા એજન્સીના અહેવાલ મુજબ સ્થાનિક ઈમરજન્સી ઓફિસર મોહમ્મદ અલી માલેકજાદેહે કહ્યું કે આ દુર્ઘટના મંગળવારે રાતે ઈરાનના યજદ પ્રાંતમાં સર્જાઈ હતી. જ્યારે પાકિસ્તાની મીડિયાનો દાવો છે કે બ્રેક ફેલ થઈ જવાને કારણે ડ્રાયવરે નિયંત્રણ ગુમાવતા બસ પલટી ગઈ હતી. જેના લીધે આ ગમખ્વાર અકસ્માત સર્જાયો.
અલી માલેક જાદેહે કહ્યું કે આ દુર્ઘટનામાં અન્ય ૧૬ લોકો ઈજાગ્રસ્ત થયા હતાં. દુર્ઘટનાના સમયે બસમાં પ૧ લોકો મુસાફરી કરી રહ્યા હતાં. તમામ લોકો શ્રદ્ધાળુ હતાં અને તેઓ અરબઈનની યાદમાં ઈરાક જઈ રહ્યા હતાં. ૭ મી સદીમાં એક શીયા ગુરુના નિધનના ૪૦ મા દિવસે અરબઈન મનાવાય છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
