Author: નોબત સમાચાર
જામનગરના ઉદ્યોગનગરમાં વૃક્ષારોપણ-રોપા વિતરણ
જામનગર તા. ર૩: એક પેડ માં કે નામ અભિયાન અંતર્ગત જામનગર ફેકટરી ઓનર્સ એસોસિએશન તથા પ્રયાસ એજ્યુકેશન એન્ડ ચેરીટેબલ ટ્રસ્ટના સંયુકત ઉપક્રમે શનિવારે જામનગર ફેકટરી ઓનર્સ એસોસિએશન ઓફિસ પાસે વૃક્ષારોપણ તથા વિનામૂલ્યે વૃક્ષના રોપાઓના વિતરણ કાર્યક્રમનું આયોજન કરવામાં આવ્યું હતું. આ પ્રસંગે જામનગર ફેકટરી ઓનર્સ એસો.ના પ્રમુખ લાખાભાઈ કેશવાલા, માનદમંત્રી મનસુખભાઈ સાવલા, સહ ખજાનચી ભરતભાઈ એચ. દોઢીયા, ઓડીટર ઓમપ્રકાશભાઈ દુદાણી, એડીટર પરેશભાઈ માલાણી, જામનગર બ્રાસ ફાઉન્ડ્રી એસો.ના પ્રમુખ કરશનભાઈ ટીંબડીયા, પ્રયાસ એજ્યુકેશન એન્ડ ચેરીટેબલ ટ્રસ્ટના પ્રમુખ જયા ચૌહાણ, સેક્રેટરી પ્રાંચી કિરકોલ, વિઝન કલબના પ્રમુખ મીતાબેન દોશી, ગુજરાત રાજ્ય યોગ બોર્ડના સૌરાષ્ટ્ર ઝોન કો-ઓર્ડીનેટર પ્રિતીબેન શુકલ તથા સંલગ્ન સંસ્થાના હોદ્દેદારો, કારોબારી સમિતિના સભ્યો તથા ઉદ્યોગકારમિત્રો વિશાળ સંખ્યામાં ઉપસ્થિત રહ્યા હતા અને શંકરટેકરી ઉદ્યોગનગર વિસ્તારમાં વૃક્ષારોપણ કર્યું હતું.
ઉદ્યોગકારો, કામદારમિત્રો, પ્રજાજનોમાંના સન્માનમાં એક વૃક્ષ વાવી પર્યાવરણ જાળવણી માટેના રાષ્ટ્રવ્યાપી આ અભિયાનમાં સહભાગી બને તે માટે ઉપસ્થિત મહાનુભાવો દ્વારા ઉદ્યોગકારોને, લોકોને વૃક્ષના રોપાઓનું વિનામૂલ્યે વિતરણ કરવામાં આવ્યું હતું.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
