Author: નોબત સમાચાર
મહારાષ્ટ્રમાં વધ્યો કોંગ્રેસનો દબદબોઃ વિધાનસભાની ર૮૮ માંથી ૧૦પ બેઠકો પર કોંગ્રેસ લડશે ચૂંટણી
શિવસેના (ઉદ્ધવ) ને ૯પ અને એનસી (શરદ) ને ૮૪ બેઠકો મળી
મુંબઈ તા. ર૩: લોકસભાની ચૂટણી પછી કોંગ્રેસનો દબદબો વધતા મહારાષ્ટ્રમાં અઘાડી ગઠબંધનમાં તેને સૌથી વધુ બેઠકો મળી છે. ગઈ રાત્રે મડાગાંઠ ઉકેલાતા સીટ સેરીંગની જાહેરાત થઈ છે.
મહારાષ્ટ્રમાં વિપક્ષી મહા વિકાસ અઘાડી ગઠબંધનમાં સીટોની વહેંચણીને લઈને મડાગાંઠ હવે સમાપ્ત થઈ ગઈ છે. એમવીએના ટોચના નેતાઓએ મંગળવારે મોડી રાત સુધી મુંબઈમાં બેઠક યોજી હતી અને સંકેત આપ્યો હતો કે વિધાનસભા ચૂંટણી માટે સીટની વહેંચણીને અંતિમ સ્વરૂપ આપવામાં આવ્યું છે.
શિવસેના (યુબીટી) ના નેતા સંજય રાઉતે કહ્યું કે બુધવારે પ્રેસ કોન્ફરન્સ કરીને સીટ વહેંચણીની જાહેરાત કરવામાં આવશે. કોંગ્રેસના વરિષ્ઠ નેતા, હેલ્સીએ જણાવ્યું હતું કે ર૮૮ સભ્યોની વિધાનસભા માટે કોંગ્રેસ ૧૦પ બેઠકો પર, શિવસેના (યુબીટી) ૯પ અને એનસીપી (શરદચંદ્ર પવાર) ૮૪ બેઠકો પર ચૂંટણી લડશે. બાકીની બેઠકો મહાગઠબંધનમાં સામેલ નાના પક્ષોને આપવામાં આવશે.
મહારાષ્ટ્ર કોંગ્રેસના અધ્યક્ષ નાના પટોલે અને શિવસેના (યુબીટી) સાંસદ સંજય રાઉત વચ્ચે બેઠકોની વહેંચણીને લઈને મતભેદ પછી રાજ્યના કોંગ્રેસના વરિષ્ઠ નેતા બાલાસાહેબ થોરાટે મંગળવારે પહેલા એનસીપી પ્રમુખ શરદચંદ્ર પવાર અને પછી શિવસેના (યુબીટી) પ્રમુખ ઉદ્ધવ ઠાકરેને મળ્યા હતાં. બાદમાં થોરાટ અને અન્ય એમવીએ નેતાઓએ બીજી એક બેઠક યોજી હતી, જે લક્ઝરી હોટલમાં પાંચ કલાકથી વધુ સમય સુધી ચાલી હતી. થોરાટે કહ્યું કે એઆઈસીસી મહારાષ્ટ્રના પ્રભારી રમેશ ચેન્નીથલાએ તેમને પવાર અને ઠાકરેને મળવા કહ્યું હતું.
કોંગ્રેસના વરિષ્ઠ નેતાને અહેવાલમાં જણાવાયું છે કે મુંબઈ શહેરી વિસ્તામાં ઉદ્ધવની શિવસેના ૧૮ બેઠકો પર ચૂંટણી લડશે, જ્યારે કોંગ્રેસ ૧૪ અને એનસીપી (એસપી) ર બેઠકો પર ચૂંટણી લડશે, જો કે મુંબઈની ત્રણ બેઠકો-વર્સોવા, બાંદ્રા પૂર્વ અને ભાયખલા- પરનો વિવાદ હજુ ઉકેલાયો નથી, કારણ કે ઉદ્ધવ ગુટગુ અને કોંગ્રેસ બન્નેએ તેમના પર દાવો કર્યો છે, જો કે આ અંગે પણ આજે અંતિમ નિર્ણય લેવામાં આવે તેવી શક્યતા છે. આમાં કોંગ્રેસ કે સેનાને બલિદાન આપવું પડી શકે છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
