Author: નોબત સમાચાર
ભાણવડમાં શરદ મહોત્સવની શાનદાર ઉજવણીઃ આહિર અગ્રણીઓ જોડાયા
ટ્રેડિશ્નલ વેશભૂષા સાથે ખેલૈયાઓ ઝુમ્યાઃ
ભાણવડ તા. ૨૩: ભાણવડ આહિર સોશ્યલ ગ્રુપ આયોજીત શરદ મહોત્સવની શાનદાર ઉજવણી કરાઈ હતી. જેમાં કલાકારોના સુમધુર કંઠે ૪ વિભાગમાં ટ્રેડિશનલ ડ્રેસમાં ખેલૈયાઓ ઝુમી ઉઠ્યા હતાં.
ભાણવડ આહિર સોશ્યલ ગ્રુપ આયોજીત દર વર્ષની પરંપરા મુજબ શરદ પૂનમની રાત્રે શરદ મહોત્સવ રાસની શાનદાર ઉજવણી થઈ હતી. જેમાં આહિર સમાજના પ્રમુખ સાજણભાઈ રાવલીયા, સોશ્યલ ગ્રુપના પ્રમુખ શૈલેષભાઈ ડાંગર, કર્મચારી મંડળના પ્રમુખ અરજણભાઈ ગાગલીયા, જી.પં. પૂર્વ પ્રમુખ પાલાભાઈ કરમુર, ભાજપ તાલુકા પ્રમુખ ગોવિંદભાઈ કનારા, કોંગ્રેસ તા. પ્રમુખ મુકેશભાઈ વાવણોટીયા, જી.પ. સદસ્યો, તા.પ. સદસ્યો, નગર પાલિકાના સદસ્યો, આહિર યુવા ફોરમના સદસ્યો, આહિર કર્મચારીઓ, વેપારીઓ, વિવિધ ગામોના સરપંચો, અગ્રણીઓ વિશાળ સમુદાયમાં સૌએ મનભરીને શરદ મહોત્સવ માણ્યો હતો.
આ રાસોત્સવમાં ભાઈઓ જુનિયર, સિનિયર, બહેનો જુનિયર-સિનિયર સહિત ચાર વિભાગમાં નામાંકિત કલાકારોના સુમધુર કંઠે રાસમાં ભાઈઓ બહેનો ઝુમી ઉઠ્યા. ચાર ટીમમાં દરેક ટીમના ૧ થી ૩ નંબરના ખેલાડીએ સિલ્ડ, થેલાથી સન્નમાનિત કરાયા હતાં. શરદ મહોત્સવ રાસમાં શહેર તથા તાલુકાના આહિર સમાજના અગ્રણીઓ દ્વારા દાતા અને સહકાર આપનાર તમામનું સોશ્યલ ગ્રુપ દ્વારા સન્માન કરવામાં આવ્યું હતું. કાર્યક્રમને સફળ બનાવવા આહિર સોશ્યલ ગ્રુપ કર્મચારી મંડળ, વેપારી મંડળ, યુવા ફોરમના તથા સર્વે સમાજના લોકો જોડાયા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
