Author: નોબત સમાચાર
જામનગર કતલખાને ખસેડાતા ૯૦ ગૌવંશને મુક્ત કરાવતા ગૌરક્ષકો
કચ્છથી જામનગર લાવવામાં આવતો હતો ટ્રકઃ
જામનગર તા. ૨૩: જામનગરથી મોરબી તરફના ધોરીમાર્ગ પર આવેલા ટંકારા ગામ પાસેથી ગઈકાલે મોરબી તથા વાંકાનેરના ગૌરક્ષકોએ ૯૦ જેટલા ગૌવંશને કતલખાને લઈ જતા ટ્રકને પકડી પાડ્યો છે. ઠસોઠસ ભરવાના કારણે ત્રણ ગૌવંશના મૃત્યુ નિપજ્યાનું જાહેર થયું છે. આ ટ્રક જામનગર સ્થિત કતલખાને આવતો હોવાનું ખૂલ્યું છે. ટંકારા પોલીસે ગૌવંશને મુક્ત કરાવી ટ્રક ડ્રાઈવરની ધરપકડ કરી છે.
કચ્છથી રવાના થયેલા એક ટ્રકમાં ૮૦થી વધુ ગૌવંશને ઠસોઠસ ભરી તેઓને જામનગર સ્થિત કતલખાને લઈ જવામાં આવી રહ્યા છે તેવી બાતમી મળતા ગઈકાલે મોરબી ગૌરક્ષક અને મોરબી હિન્દુ યુવાવાહિનીના સદસ્યો વાંકાનેરના ગૌરક્ષકો સાથે ધોરીમાર્ગ પર વોચમાં હતા.
તે દરમિયાન ટંકારા નજીકથી જીજે-૧૨-બીવાય ૨૬૨૯ નંબરનો ટ્રક પસાર થતાં તેને રોકાવી તલાશી લેવાતા તેમાંથી ક્રુરતાપૂર્વક બાંધીને રાખવામાં આવેલા ૯૦ ગૌવંશ મળી આવ્યા હતા. આ પશુઓ માટે પાણી કે ઘાસ ચારાની પણ વ્યવસ્થા કરવામાં આવી ન હોવાથી ત્રણ પશુ ચાલુ વાહને મૃત્યુ પામ્યા હતા.
આ ટ્રકને ટંકારા પોલીસ મથકે લઈ જવામાં આવ્યો હતો અને તેના ડ્રાઈવર દિલાવર અબ્દુલ પઠાણનો કબજો પોલીસને સોંપવામાં આવ્યો હતો. પોલીસે તમામ ગૌવંશને મુક્ત કરી ટ્રક ડ્રાઈવરની અટકાયત કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
