Author: નોબત સમાચાર
કેરળમાં આ વર્ષે પહેલી જૂનના બદલે ચોમાસુ ૪થી જૂને બેસશે
સાર્વત્રિક સામાન્ય વરસાદ પડે તો તેની વિપરીત અસરો પડી શકેઃ
નવી દિલ્હી તા. ૧૭ઃ આ વર્ષે ચોમાસું મોડું બેસવાના એંધાણ વર્તાઈ રહ્યા છે. કેરળમાં દર વર્ષ કરતા મોડું બેસશે. એટલે કે પહેલી જૂનના બદલે ચોથી જૂને બેસશે.
ભારતીય હવામાન વિભાગે ગઈકાલે જણાવ્યું હતું કે, કેરળમાં દક્ષિણ-પશ્ચિમ ચોમાસું શરૃ થવામાં થોડો વિલંબ થયો છે અને તે ૪ જૂન સુધીમાં તેની શરૃઆત કરે તેવી શક્યતા છે. દક્ષિણ-પશ્ચિમ ચોમાસું સામાન્ય રીતે કેરળમાં ૧ જૂને દસ્તક આપતું હોય છે, પણ આ વખતે ચોમાસાની શરૃઆત મોડી રહેશે એટલે કે કેરળમાં ચોમાસું ૪ જૂનથી બેસવાની શક્યતા છે.
આઈએમડીના જણાવ્યા મુજબ ઉત્તર-પશ્ચિમ ભારતના ભાગોને અસર કરતા વેસ્ટર્ન ડિસ્ટર્બન્સને કારણે મે ના પ્રથમ પખવાડિયામાં હીટવેવની સ્થિતિ ઓછી ગંભીર હતી. આગામી વેસ્ટર્ન ડિસ્ટર્બન્સ ઉત્તર-પશ્ચિમ ભારતની નજીક આવી રહ્યું છે. ભારતીય હવામાન વિભાગના વૈજ્ઞાનિક કુલદીપ શ્રીવાસ્તવે જણાવ્યું કે, હરિયાણા, દિલ્હી-એનસીઆર, પશ્ચિમી ઉત્તર પ્રદેશ અને ઉત્તર-પૂૃવ રાજસ્થાનમાં ધૂળવાળા પવનો ફૂંકાઈ રહ્યા છે. તેની પાછળનું મુખ્ય કારણ એ છે કે વેસ્ટર્ન ડિસ્ટર્બન્સ પસાર થઈ ગયું છે અને જોરદાર પવન ફૂંકાઈ રહ્યો છે.
આ વર્ષે ચોમાસું સામાન્ય રહેવાની ધારણા છે. હવામાન વિભાગે ગયા મહિને આ માહિતી આપી હતી. જો વરસાદ સામાન્ય રહેશે તો દેશમાં અનાજનું ઉત્પાદન પણ સામાન્ય રહેશે. એટલે કે તેનાથી મોંઘવારી વધશે જે ચિંતાજનક છે. દેશના ખેડૂતો સામાન્ય રીતે ૧ જૂનથી ઉનાળું પાકની વાવણી શરૃ કરે છે. આ તે સમય છે જ્યારે ચોમાસાનો વરસાદ ભારતમાં પહોંચે છે. પાકની વાવણી ઓગસ્ટની શરૃઆત સુધી ચાલુ રહે છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
