Author: નોબત સમાચાર
રેલવે સેફટીમાં શ્રેષ્ઠ સેવાઓ આપતા ૧૩ કર્મચારીઓનું કરાયું સન્માન
રાજકોટના ડિવિઝનલ મેનેજર દ્વારા
જામનગર તા. ૧૭ઃ રેલવે સેફટીમાં શ્રેષ્ઠ કામગીરી કરવા બદલ ડિવિઝનલ રેલવે મેનેજર અનિલ કુમાર જૈન દ્વારા રાજકોટ ડિવિઝનના ૧૩ કર્મચારીઓનું સન્માન કરવામાં આવ્યું હતું.
સિની. ડી.સી.એમ. સુનિલકુમાર મીનાએ અખબારી યાદીમાં જણાવ્યા મુજબ આ કર્મચારીઓએ જાન્યુઆરીથી માર્ચ-ર૦ર૩ સુધીમાં રેલવે સુરક્ષામાં શ્રેષ્ઠ કામગીરી કરી હતી. જેના બદલામાં તેઓનું સન્માન કરવામાં આવ્યું હતું.જેમાં પરશુરામ સૈની (ટ્રેન મેનેજર- રાજકોટ) પ્રમોદ પ્રસાદ (સ્ટેશન મેનેજર -હડમતીયા), આસીફ એન. (ટ્રેન મેનેજર મોરબી), જયરાજસિંહ જાડેજા (કેરેઝ એન્ડ વેગન ફિટર-રાજકોટ), શિવરામ તેંવર (કીમેન- બજરંગપુરા), ઉતમ મંડલ (સ્ટેશન મેનેજર - વાંકાનેર) ધવલ જોષી (ગેટમેન - રાજકોટ), સુધાંશુ કુમાર વર્મા (ટ્રેન મેનેજર - હાપા), રણમલ જે. (ટ્રેન મેનેજર-હાપા), રામલાલ (સ્ટેશન મેનેજર - કેસરીયા), મુકેશ કુમાર ગેટમેન - એલસી-૩૯), માવજી પોરાની (ગેટમેન એલસી-૭૮), અને જ્ઞાનચંદ કુમાર (ગેટમેન એલસી ૬૬) નો સમાવેશ થાય છે.
તકેદારી અને સર્તકતાથી કામ કરીને આ રેલવે કર્મચારીઓએ રેલ અકસ્માતને રોકવામાં મહત્ત્વની ભૂમિકા ભજવી છે. જેમાં રેલ ફ્રેકચર નોંધવું, કોઈલ સ્પ્રિંગ ખખડાયેલ જોવું, વેગનમાં કોઈલ સ્પ્રિંગ ગુમ થયેલ જોવું. વ્હીલના તુટેલા સ્પ્રિંગની નોંધ લેવી માલગાડીના બેટરી બોકસમાં ધુમાડો નીકળતા જોવું, લટકતા ભાગોની નોંધ લેવી વગેરે બાબતનો સમાવેશ થાય છે. જેની સર્તકતાના કારણે સંભવિત અકસ્માત ટળી ગયા હતાં. આ કાર્યક્રમમાં સિની ડિવિઝનલ સેફટી ઓફિસર એન.આર. મીણા, સિની. ડિવિ. ઓપરેશનલ મેનેજર આર.સી. મીણા, સિની. ડિવિ. મિકેનીકલ એન્જિનિયર સંતોષકુમાર મીશ્રા અને ઈન્દ્રજીતસિંહ ઉપસ્થિત રહ્યા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
