Author: નોબત સમાચાર
વિદ્યાર્થિની પર દુષ્કર્મ ગુજારવાના આરોપમાં ઝડપાયેલા આરોપીની જામીન અરજી નકારાઈ
આરોપીને વડોદરાથી પોલીસે પકડી પાડ્યો હતોઃ
જામનગર તા.૧૭: જામનગરની એક વિદ્યાર્થિની પર દુષ્કર્મ ગુજારવાના આરોપસર ઝડપાયેલા જે તે વખતના એક શાળાના પ્રિન્સીપાલની પોલીસે ધરપકડ કર્યા પછી જેલહવાલે થયેલા આ આરોપીએ જામીનમુક્ત થવા કરેલી અરજી અદાલતે નકારી કાઢી છે.
જામનગરની એક શાળામાં ધો.૧૧માં પ્રવેશ મેળવવા ગયેલી એક વિદ્યાર્થિનીને ધમકી આપી તે શાળાના જે તે વખતના પ્રિન્સીપાલ મનિષ બુચે દુષ્કર્મ ગુજાર્યા પછી તે વિદ્યાર્થિની પર દુષ્કૃત્યનો સિલસિલો શરૃ કર્યાે હતો. તે વખતે સગીરાવસ્થામાં રહેલી વિદ્યાર્થિની હાલમાં પુખ્ત વયની બની ગઈ છે. તેમ છતાં મનિષ બુચે તેણીને જુદા જુદા સ્થળે લઈ જઈ દુષ્કર્મનો ભોગ બનાવ્યે રાખતા આખરે આ મામલો પોલીસ સુધી પહોંચ્યો હતો.
જામનગરના શિક્ષણવિદે તેમજ પ્રબુદ્ધ સમાજમાં આ બનાવના ઘેરા પડઘા પડ્યા હતા. શિક્ષણજગત જેવા સન્માનિય ક્ષેત્રમાં કાર્યરત એવા મનિષ બુચ પર ફીટકાર વરસ્યો હતો અને પોલીસે તેના સગડ દબાવ્યા હતા.
તે દરમિયાન આ આરોપીએ આગોતરા જામીન મેળવવા અદાલતમાં અરજી કરી હતી. તે અરજીનો નિર્ણય થાય તે પહેલા તપાસનીશ પોલીસ ટૂકડીએ આરોપી મનિષ બુચને વડોદરાથી પકડી પાડ્યો હતો. તે પછી આરોપીને જેલહવાલે કરાયો હતો. આ શખ્સે જામીન મુક્ત થવા જામનગરની અદાલતમાં અરજી કરી હતી.
તે અરજી ચાલી જતાં અદાલતે જિલ્લા સરકારી વકીલ જમનભાઈ ભંડેરીની દલીલો ગ્રાહ્ય રાખી આરોપીની જામીન અરજી નકારી કાઢી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
