Author: નોબત સમાચાર
દ્વારકાની પંચકુઈ પાસે દરિયાકાંઠેથી અજાણ્યા મહિલાનો મળી આવ્યો મૃતદેહ
મૃતદેહ નગ્ન તથા અત્યંત કોહવાયેલી હાલતમાં હતોઃ
જામનગર તા.૧૭: દ્વારકામાં ગોમતીઘાટ સામે આવેલા પંચકુઈ વિસ્તાર નજીકના દરિયાકાંઠેથી ગઈકાલે એક અજાણ્યા મહિલાનો નગ્ન તથા અત્યંત કોહવાઈ ગયેલો મૃતદેહ મળી આવ્યો છે. પોલીસે તેનો કબજો સંભાળી મૃતકની ઓળખ મેળવવા તપાસ શરૃ કરી છે.
દ્વારકામાં આવેલા પ્રસિદ્ધ જગતમંદિર નજીકના ગોમતી ઘાટની સામે આવેલા પંચકુઈ પાસેના દરિયાકાંઠેથી ગઈકાલે બપોરે એક અજાણ્યા મહિલાનો અત્યંત કોહવાઈ ગયેલો મૃતદેહ મળી આવ્યો છે.
આ અજાણ્યા મહિલા કોઈ રીતે દરિયામાં પડી ગયા પછી ગઈકાલે તેઓનો મૃતદેહ પંચકુઈ દરિયાકાંઠાથી આગળ મળી આવ્યો છે. નગ્ન તથા અત્યંત કોહવાયેલી હાલતમાં રહેલો આ મૃતદેહ મૃતકની ઓળખ ન થઈ શકે તે રીતનો છે તેને નિહાળી દ્વારકાના જીતેશભા વરજાંગભા માણેકે પોલીસને જાણ કરી છે. દ્વારકા પોલીસે મૃતદેહનો કબજો સંભાળી પી.એમ. માટે ખસેડ્યો છે અને આ મહિલાની ઓળખ મેળવવા તપાસ શરૃ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
