Author: નોબત સમાચાર
દરિયામાં પડી આત્મહત્યાની કોશિષ કરવા જતાં યુવાનનો પોલીસે બચાવ્યો જીવ
આઈસીજીએસ પોર્ટલથી તેના પરિવારને શોધી કઢાયોઃ
જામનગર તા.૧૭ઃ ઓખામાં આવેલી પેસેન્જર જેટી પાસેથી પોલીસે આત્મહત્યાનો પ્રયાસ કરી રહેલા રાજસ્થાનના એક યુવાનને પકડી પાડી કાઉન્સેલીંગ કર્યા પછી તેના પરિવારને કબજો સોંપી આપ્યો છે.
ઓખામાં આવેલી પેસેન્જર જેટી પર ઓખા મરીન પોલીસ સ્ટેશનના સ્ટાફ દ્વારા કરવામાંં આવી રહેલા પેટ્રોલિંગ દરમિયાન ઓખાથી બેટ દ્વારકા દર્શનાર્થે જવા ઈચ્છતા યાત્રાળુઓ પર નજર રાખવામાં આવી રહી હતી. તે દરમિયાન ભીડમાં એક યુવાન દરિયામાં પડી જઈ આત્મહત્યા કરવાની કોશિશ કરતો હોવાનું જણાઈ આવતા આ યુવાનને પોલીસે પકડી પાડી પોલીસ સ્ટેશન ખસેડ્યો હતો.
ત્યારપછી આ યુવાનને કાઉન્સેલિંગ કરવામાં આવતા તેણે આત્મહત્યા કરવાનો ઈરાદો જાહેર કર્યો હતો. પોલીસે તેનું નામ પૂછી સરનામું શોધવા માટે આઈસીજેએસ પોર્ટલનો ઉપયોગ કરી તપાસ કરતા આ યુવાન રાજસ્થાનના અજમેર જિલ્લાના ગંજ શહેર નો રહેવાસી હોવાનું જણાઈ આવ્યું હતું.
ત્યાંની પોલીસનો સંપર્ક કરવામાં આવતા આ યુવાન ગુમ થયાની ગઈ તા.૧૦ના દિને જાહેરાત કરાઈ હોવાનું ખુલ્યું હતું. પોલીસે ગુમ થનાર યુવાનના પરિવારજનોનો સંપર્ક કરી ઓખા આવી જવા સૂચના આપી હતી. જેના પગલે ઓખા દોડી આવેલા આ યુવાનના પરિવારજનોના ડોક્યુમેન્ટ વેરીફાઈ કર્યા પછી યુવકનો કબજો સોંપાયો છે. આવી રીતે પોલીસે આત્મહત્યા ની કોશિશ કરતા યુવાનનો કબજો તેના પરિવારને સોંપ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
