Author: નોબત સમાચાર
જોડિયામાં તાલુકા કક્ષાની ગુજરાત સ્ટેમ-કવીઝ
જોડિયા તા. ૧૭ઃ તાજેતરમાં ધો. ૯ થી ૧ર ના વિદ્યાર્થીઓ સાયન્સ, ટેકનોલોજી, એન્જીનિયરીંગ તેમજ મેથેમેટિકસ અંગેનો અભિગમ કેળવે તે ઉદ્દેશથી ગુજરાત સરકારના ગુજકોસ્ટ-ગાંધીનગર વિભાગ દ્વારા ગુજરાત સ્ટેમ-કવીઝનું આયોજન કરવામાં આવ્યું હતું.
જેમાં જામનગર જિલ્લાના આશરે રપ,૦૦૦ જેટલા બાળકોએ રજીસ્ટ્રેશન કરાવ્યું હતું. તાલુકાકક્ષાની કવિઝનું આયોજન જામનગરના કુલ છ તાલુકા તેમજ જામનગર શહેર એમ કુલ સાત સ્થળોએ કરવામાં આવ્યું હતું. જેમાં જોડિયા તાલુકામાં યુપી વ્યાસ, કન્યા વિદ્યાલયના આચાર્ય મનહરભાઈ બુમતારીયાના માર્ગદર્શન અને દિપ્તીબેન, મેઘનાબેન, કશ્યપભાઈના સહયોગથી ઓનલાઈન કવીઝ યોજવામાં આવી હતી. જેમાં સાયન્સ ટેકનોલોજી, એન્જીનિયરીંગ તેમજ મેથેમેટિકસ આધારિત પ્રશ્નો પૂછવામાં આવ્યા હતાં. દરેક તાલુકામાંથી શ્રેષ્ઠ ૧૦ વિદ્યાર્થીઓને રાજયકક્ષાની કવિઝમાં સામેલ થવાની તક મળશે. તેમજ વિજેતા તમામને મતબર રકમ સુધીના ઈનામો એનાયત કરવામાં આવશે. જામનગર જિલ્લાના તમામ તાલુકાઓમાં કવીઝનું આયોજન કરવામાં ધ્રોલ વિજ્ઞાન કેન્દ્રના પ્રોગ્રામ ઓફિસર ડો. સંજય પંડ્યાએ મહત્ત્વની ભૂમિકા પૂરી પાડી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
