Author: નોબત સમાચાર
સીદસરમાં જમીનમાં દાટીને રાખવામાં આવેલી ઈંગ્લીશ દારૂની દસ બોટલ કઢાવતી પોલીસ
ઝડપાયેલા શખ્સે સાગરિતનું નામ આપ્યું:
જામનગર તા. ૧૪: જામજોધપુરના સીદસરમાં સામા કાંઠા વિસ્તારમાં એક ખેતરના શેઢે જમીનમાં દાટીને રાખવામાં આવેલી ઈંગ્લીશ દારૂની દસ બોટલ પોલીસે શોધી કાઢી છે. બોટલ સાથે એક શખ્સની ધરપકડ કરાઈ છે. તેણે સાગરિતનું નામ ઓકી નાખ્યું છે. નગરમાંથી એક શખ્સ બોટલ સાથે ઝડપાઈ ગયો છે.
જામજોધપુર તાલુકાના સીદસર ગામના સામા કાંઠા પાસે વાડી વિસ્તારમાં એક શખ્સે ઈંગ્લીશ દારૂનો જથ્થો રાખ્યો હોવાની બાતમી પરથી જામજોધપુર પોલીસ સ્ટેશનના સ્ટાફે ગઈકાલે બપોરે વિશ્વરાજસિંહ ભૂપતસિંહ વાળા નામના શખ્સના સામા કાંઠા વાડી વિસ્તારમાં આવેલા ખેતરના શેઢે દરોડો પાડ્યો હતો.
ત્યાં પોલીસે તલાશી લીધી હતી પરંતુ કંઈ મળ્યું ન હતું. પોલીસે ત્યાં ખોદાણ કરતા જમીનમાં દાટીને રાખવામાં આવેલી ભારતીય બનાવટના અંગ્રેજી શરાબની દસ બોટલ મળી આવી હતી. પોલીસે બોટલ કબજે કરી વિશ્વરાજસિંહની ધરપકડ કરી છે. આ શખ્સે દારૂનો જથ્થો ઉપલેટાના અર્જુન ભીમાભાઈ રબારી ઉર્ફે રામાએ મોકલાવ્યો હોવાની કબૂલાત મળવા પામી છે.
જામનગરના હિરજી મિસ્ત્રી રોડ પર આવેલા રૂપિયાના સિક્કા પાસેથી ગઈરાત્રે હિમતનગરની શેરી નં.પમાં રહેતો શંકર દીપકભાઈ થાપા નામનો શખ્સ ઈંગ્લીશ દારૂની બોટલ સાથે મળી આવ્યો છે. તેણે ઉદ્યોગનગરમાં રહેતા હર્ષ ઉર્ફે હીતેશ રાજપૂતનું નામ આપ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
