Author: નોબત સમાચાર
જામનગરમાંથી મોબાઈલની ઉઠાંતરી કરનાર શખ્સ એલસીબીના સકંજામાં
રૂા.૨૦ હજારનો ચોરાઉ ફોન કબજેઃ
જામનગર તા. ૧૪: જામનગરના દરેડ પાસે રહેતા મૂળ કાલાવડના ધુનધોરાજી ગામના શખ્સને એલસીબીએ મિગ કોલોની પાસેથી પકડી લઈ પૂછપરછ કરતા આ શખ્સે મોબાઈલની ચોરી કર્યાની કબૂલાત આપી છે અને રૂા.૨૦ હજારનો ફોન કાઢી આપ્યો છે.
જામનગર એલસીબીના સ્ટાફ દ્વારા ગઈકાલે કરવામાં આવી રહેલા પેટ્રોલિંગ દરમિયાન સુમેર કલબ રોડ પર આવેલી મિગ કોલોની પાસેથી રસીક કેશુભાઈ મકવાણા નામનો શખ્સ મળી આવ્યો હતો.
જામનગર-લાલપુર રોડ પર દરેડ ગામમાં પ્રણામીનગર-૪માં હાલમાં રહેતા અને મૂળ કાલાવડ તાલુકાના ધુનધોરાજી ગામના આ શખ્સની એલસીબીએ તલાશી લેતા તેની પાસેથી મોટોરોલા કંપનીનો મોબાઈલ મળી આવ્યો હતો. તે મોબાઈલ અંગે પૂછપરછ કરાતા આ શખ્સે ઉપરોક્ત ફોન ચોરી કરી મેળવ્યો હોવાની કબૂલાત કરી છે. રૂા.૨૦ હજારની કિંમતનો મોબાઈલ કબજે કરી એલસીબીએ આ શખ્સની અટકાયત કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
