Author: નોબત સમાચાર
જામનગરમાં બચુનગરના ૨૯૪ દબાણોનો આજે કડૂસલો
અંદાજે રૂા.૨૦૦ કરોડની જમીન ખુલ્લી કરાવવા ૨૦૦થી વધુ કર્મચારીઓનો કાફલો
જામનગર મહાનગરપાલિકા દ્વારા બચુનગર વિસ્તારના ૨૯૪ મકાનો દૂર કરવા માટે ભારે પોલીસ બંદોબસ્ત વચ્ચે મેગા ડિમોલીશનની કાર્યવાહી શરૂ થઈ છે. અંદાજે ૨૦૦ કરોડની કિંમતી જમીન ખુલ્લી કરાવવા માટે તંત્રની કવાયત જુદી જુદી ત્રણ ટીમોમાં ૨૦૦ થી વધુનો કાફલો જોડાયો છે. ડીમોલેશન માટે ૧૨ જેસીબી મશીન, ૩ હિટાચી મશીન, ૧૨થી વધુ ટ્રેકટર સહિતની મશીનરીને વહેલી સવારથી જ કામે લગાડાઈ છે. જામનગર મહાનગરપાલિકા દ્વારા આખરે આજે બચુનગર વિસ્તારમાં મેગા ડિમોલીશનનું કામ હાથ ઉપર લેવામાં આવ્યું છે, અને ૨૯૪ જેટલા મકાનો સહિતના દબાણો દૂર કરવાની પ્રક્રિયા હાથ ધરીને અંદાજે ૨૦૦ કરોડ રૂપિયાની જમીન ખુલ્લી કરાવવાની કાર્યવાહી શરૂ કરી દેવામાં આવી છે. જેના માટે મનપા ના ૧૦૦ થી વધુ કર્મચારીઓ કામે લાગ્યા છે, અને ૧૦૦ થી વધુ નો પોલીસ બંદોબસ્ત ગોઠવાયો છે. ૧૨ જેસીબી મશીનો ૩ હિટાચી અને ૧૨ ટ્રેક્ટર સહિતની મશીનરી નો પણ ઉપયોગ કરવામાં આવ્યો છે.
જામનગર મહાનગરપાલિકા દ્વારા રંગમતી નાગમતી નદીને મૂળ સ્વરૂપમાં લાવવાના ભાગરૂપે અને દબાણો દૂર કરવા માટેની કવાયત હાથ ધરવામાં આવી હતી, અને ગત એપ્રિલ માસ થી શરૂ થયેલી આ કાર્યવાહી આજે અંતિમ તબક્કામાં છે. ખાસ કરીને બચુનગર વિસ્તારમાં અંદાજે ૨૯૪ જેટલા મકાનો ગેરકાયદે રીતે ખડકી દેવાયેલા હોવાથી તે તમામ દબાણો ખાલી કરી દેવા માટેની તમામ પ્રકારની અંતિમ નોટિસો આપી દેવામાં આવી હતી, અને માલ સામાન કાઢવા માટેની પણ મહેતલ અપાઈ હતી, તેમજ આ જગ્યાની વચ્ચે કેટલાક ધાર્મિક સ્થળોને પણ દૂર કરવાની પ્રક્રિયા હાથ ધરવામાં આવી હતી. જે તમામ પ્રક્રિયાઓ પૂર્ણ થઈ ગયા બાદ આજે સવારથી મેગા ડીમોલીશન કાર્ય હાથ ધરી લેવામાં આવ્યું હતું. જામનગર મહાનગરપાલિકાના મ્યુનિ. કમિશનર ડી.એન. મોદીની સૂચનાથી ડી.એમ.સી. દેવેન્દ્રસિંહ ઝાલા ખુદ હાજર રહૃાા હતા. તેઓની રાહબરીમાં આસી. કમિશનર ભાવેશભાઇ જાની, કંટ્રોલિંગ અધિકારી મુકેશભાઈ વરણવા, પ્રોજેક્ટ એન્ડ પ્લાનિંગ વિભાગના રાજીવ જાની, ઉપરાંત ઊર્મિલ દેસાઈ, અનિલ ભટ્ટ, એસ્ટેટ વિભાગના નિતિન દીક્ષિત, તથા અન્ય અધિકારીઓની ટીમ સહિત ૧૦૦ કર્મચારીઓ જોડાયા હતા. જ્યારે જિલ્લા પોલીસવડા પ્રેમસુખ ડેલુ તેમજ સિટી ડીવાયએસપી જે. એન. ઝાલાના માર્ગદર્શન હેઠળ સીટી એ. ડિવિઝનના પી.આઈ. એન.એ. ચાવડાની રાહબરી હેઠળ મહિલા પોલીસ સહિત ૧૦૦ થી વધુ પોલીસ જવાનોનો કાફલો સુરક્ષા માટે જોડાયો હતો. વહેલી સવારથી ડિમોલીશનનો કાર્ય હાથ ધરી લેવામાં આવ્યું છે.
આ કામગીરી સમયે સ્થાનિક લોકોના મોટા ટોળા એકત્ર થયેલા જોવા મળ્યા હતા, જો કે વિના વિરોધે દબાણ હટાવવાની કામગીરી શરૂ કરી દેવામાં આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
