Author: નોબત સમાચાર
જામનગરની ભાગોળે ૧૨૦ વીઘા જેટલી જમીનના ઝોનફેર કરવાની હિલચાલ: ઉચ્ચ સ્તરીય રજૂઆતની તજવીજ
જામનગર શહેર આસપાસના રહેણાંક વિસ્તારોના વિકાસને રૃંધવા થઈ રહેલા ઝોન ફેરના કારસા
જામનગર તા. ૧૪: જામનગર શહેરની આસપાસના મ્યુનિ. કોર્પોરેશનની હદમાં સમાવેશ થયેલ વિશાળ જમીનોના ઝોનફેરના કારસા ચાલી રહ્યા છે. પરિણામે શહેરના આરોગ્ય, શૈક્ષણિક તેમજ ખાસ કરીને રહેણાંક વિસ્તારોના વિકાસને અતિ ગંભીર અસર થઈ રહી છે.
જામનગર શહેરની ભાગોળે જીઆઈડીસી ફેસ-ટુ અને થ્રી ની વસાહતો નજીક કરોડો રૂપિયાની કિંમતી ૧ર૦ વીઘા જેટલી વિશાળ ખેતીની જમીનને ઔદ્યોગિક ઝોનમાં ફેરવવા કેટલાક મોટા ભાથાઓ દ્વારા પ્રયાસો હાથ ધરવામાં આવ્યા હોવાનું જાણમાં આવતા જામનગરની ન.પ્રા.શિ. સમિતિના પૂર્વ સદસ્ય નીતિનભાઈ માડમે રાજ્યના મુખ્યમંત્રીને આ ઝોનફેરની કાર્યવાહી રોકવા રજૂઆત કરી છે.
કનસુમરા નજીકની જમીનોને બીનજરૂરી રીતે રહેણાંક અને ખેતીની જમીનમાંથી ઔદ્યોગિક હેતુ માટે જાડા દ્વારા ફેરવવા પેરવી થઈ રહી છે. અત્યારે શહેરનો ચારે તરફ રહેણાંકો માટે વિકાસ અને વિસ્તાર થઈ રહ્યો છે, ત્યારે રહેણાંક માટેની જમીનો યથાવત્ રહે તે જરૂરી છે.
ઔદ્યોગિક વિકાસ માટે તો શહેરથી દૂર પણ જમીનો ફાળવી શકાય છે. શેખપાટ પાસે જીઆઈડીસી બની જ રહી છે. આ ઉપરાંત શહેરમાં જીઆઈડીસી, ઉદ્યોગનગર, એમ.પી. શાહ ઉદ્યોગનગર, હાપા ઈન્ડ. ઝોન વગેરેમાં તો ઓદ્યોગિક ઝોન છે જ.
કનસુમરા પાસેની ૧ર૦ વીઘા જેટલી વિશાળ જમીનનો રહેણાંક તેમજ શૈક્ષણિક અને આરોગ્ય સેવા માટે વિકાસ કરવાની જરૂર છે.
આ પ્રકારની ભ્રષ્ટાચારની શંકાપ્રેરક ઝોનફેરની ગતિવિધિ જાહેર જનતાના હિતમાં અટકાવવી જરૂરી છે. જાડા દ્વારા દર બે વર્ષે આ પ્રકારના ઝોનફેરના મોટા ખેલ થઈ રહ્યા હોવાનો તેમણે આક્ષેપ કર્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
