Author: નોબત સમાચાર
જામનગરમાં ગંજીપાનાથી જુગાર રમતા ચાર ઝબ્બેઃ ચલણી સિક્કોથી રમાતો જુગાર ઝડપાયો
એલસીબીના દરોડામાં ત્રણ પન્ટર નાસી ગયાઃ
જામનગર તા. ૧૪: જામનગરમાં ઉદ્યોગનગર નજીક ગંજીપાના વડે જુગાર રમતા ચાર નેપાળી શખ્સને પોલીસે પકડી પાડ્યા છે. વામ્બે આવાસ પાસે ચલણી સિક્કો ઉછાળી જુગાર રમતા ચારને એલસીબીએ દબોચી લીધા હતા. ત્રણ નાસી જવામાં સફળ થયા હતા. લાલપુરમાંથી વર્લીબાજ મળી આવ્યો હતો.
જામનગરના ઉદ્યોગનગર નજીક આવેલા એક મંદિર પાસે ગઈકાલે સાંજે કેટલાક શખ્સો એકઠા થઈ જુગાર રમતા હોવાની બાતમી પરથી સિટી સી ડિવિઝનના સ્ટાફે દરોડો પાડ્યો હતો. ત્યાં ગંજીપાનાથી જુગાર રમતા ગંભીર કરણભાઈ દરજી તથા ભીમસીંગ જયબહાદુર દરજી, રતનસીંગ ચંદ્રસીંગ દરજી અને ચકરા કાલુભાઈ પરીયાર નામના ચાર નેપાળી શખ્સ મળી આવ્યા હતા. પોલીસે પટમાંથી રૂા.૧૧૦૯૦ રોકડા કબજે કર્યા છે.
જામનગરના વામ્બે આવાસ નજીક ગઈકાલે સાંજે કેટલાક શખ્સ ચલણી સિકકો ઉછાળી કેટલાક શખ્સ જુગાર રમતા હોવાની બાતમી એલસીબીના યુવરાજસિંહ, કાસમ બ્લોચ, મયુરસિંહને મળતા પીઆઈ વી.એમ. લગારીયાની સૂચનાથી એલસીબી સ્ટાફે ત્યાં દરોડો પાડતા કાસમ તૈયબ સમા, નારાયણ ભરતભાઈ નંદા, વિજય દાનાભાઈ મકવાણા, આમદ ઓસમાણ ખફી ઉર્ફે ડાડો નામના ચાર શખ્સ જુગાર રમતા મળી આવ્યા હતા. એલસીબીને જોઈને સુનિલ ભાટીયા, સાજણ ઉર્ફે મુન્નો, કમલેશ ગોદરીયા નામના ત્રણ શખ્સ નાસી ગયા હતા. પટમાંથી રૂા.૭૩૫૦૦ રોકડા, ત્રણ મોબાઈલ, એક સ્કૂટર મળી કુલ રૂા.૧૨૮૫૦૪નો મુદ્દામાલ કબજે કરવામાં આવ્યો છે. સાતેય સામે સિટી સી ડિવિઝનમાં ગુન્હો નોંધાવાયો છે.
લાલપુર તાલુકાના ખટીયા ગામમાં ગઈકાલે સાંજે વર્લીના આંકડા લખતા દીપક સુખાભાઈ ચાવડા નામના શખ્સને પોલીસે પકડી પાડ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
