Author: નોબત સમાચાર
૫ોલીસને બાતમી આપતો હોવાની શંકાથી યુવકને ધોકા અને પાઈપથી ફટકાર્યાે
ચાર શખ્સે માર મારી હાથ ભાંગી નાખ્યોઃ
જામનગર તા. ૨૨ઃ જામનગરના નવાગામ ઘેડમાં મંગળવારે રાત્રે એક યુવાન પર પોલીસને બાતમી આપતો હોવાની આશંકાથી ચાર શખ્સે ધોકા-પાઈપથી હુમલો કરી હાથ ભાંગી નાખ્યો હતો. ઘવાયેલા યુવાનને સારવારમાં ખસેડવામાં આવ્યો છે. જ્યાંથી તેણે પોલીસમાં ફરિયાદ નોંધાવી છે.
જામનગરના નવાગામ ઘેડ વિસ્તારમાં આવેલા હનુમાન ચોકમાં મંગળવારે રાત્રે સ્કૂટર પર જઈ રહેલા નવાગામ ઘેડના કબીરનગરમાં રહેતા રાહિલ હુસેન બ્લોચ નામના યુવાનને રોહિત સદામભાઈ શિંગાળા તથા નીતિન અશોકભાઈ શિંગાળા નામના શખ્સોએ રોકી લીધો હતો. અત્યારે અહીં શું કરશ તેમ પૂછતા રાહિલે પોતાના મિત્ર કરણ વિજયભાઈ પરમાર પાસે આવ્યો છું તેમ કહેતા આ શખ્સોએ અમારી બાતમી પોલીસમાં આપે છે તેમ કહી ઝઘડો શરૃ કર્યાે હતો.
ત્યારપછી રોહિતે પોતાના મિત્ર રાજેન્દ્રસિંહ ઉર્ફે ગોટલી બાબભા રાયજાદા તથા રોહિત રાજુભાઈ મકવાણા ઉર્ફે દંતારાને ધોકા-પાઈપ સાથે આવી જવા કોલ કર્યાે હતો. તેથી આ બંને શખ્સ ધોકા તથા પાઈપ સાથે દોડી આવ્યા હતા. ત્યારપછી ચારેય શખ્સે હુમલો કરી રાહિલ બ્લોચને લમધારી નાખ્યો હતો. હુમલામાં હાથ, પગમાં ઈજા થતાં એક હાથમાં કોણી પાસે ફ્રેક્ચર સહિતની ઈજા થઈ છે. સારવારમાં ખસેડાયેલા રાહિલે ગઈકાલે સિટી-બી ડિવિઝન પોલીસ સ્ટેશનમાં ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
