Author: નોબત સમાચાર
મેઘપરમાં ખેતર પાસે પડેલો વીજળીનો તાર અડકી જતાં શ્રમિકનું થયું મૃત્યુ
ખંભાળિયામાં યુવાનને હૃદયરોગનો હુમલોઃ
જામનગર તા. ર૪: જામનગરના મેઘપર ગામમાં આવેલા એક ખેતર પાસેથી મંગળવારે ચાલીને જઈ રહેલા એક પરપ્રાંતિય શ્રમિકને માર્ગમાં પડેલો વીજળીનો તાર અડકી જતાં આ શ્રમિકનું વીજ આંચકો લાગવાથી મૃત્યુ નિપજ્યું છે. જ્યારે ખંભાળિયામાં માર્કેટીંગ યાર્ડ પાસે હૃદયરોગનો હુમલો આવી જતાં એક યુવાન પર કાળનો પંજો પડ્યો છે.
જામનગર-ખંભાળિયા માર્ગ પર આવેલા મેઘપર ગામમાં ધર્મેન્દ્રસિંહ કંચવા નામના આસામીના મકાનમાં ભાડેથી રહેતા લલન છોટન શર્મા (ઉ.વ.૪૮) નામના શ્રમિક મંગળવારે સાંજે ચાલીને જોરૂભા હમીરજી કંચવા નામના ખેડૂતના ખેતર તરફ જતા હતા ત્યારે માર્ગમાં ઈલેકટ્રીક કરંટ વાળા પડેલા લોખંડના તારમાં તેઓનો પગ અડકી જતાં આ શ્રમિકને જોરદાર વીજ આંચકો લાગ્યો હતો. સારવારમાં ખસેડાયેલા આ યુવાનનું મૃત્યુ નિપજ્યું છે. મૃતકના પુત્ર પંકજ શર્માએ પોલીસને જાણ કરી છે.
ખંભાળિયા તાલુકાના રામનગરમાં આવેલી ભમરીયા વાડીમાં રહેતા મોહનભાઈ મનજીભાઈ કણઝારીયા (ઉ.વ.૪૮) નામના યુવાન ગઈકાલે બપોરે ખંભાળિયા સ્થિત માર્કેટીંગ યાર્ડ પાસે હતા ત્યારે તેઓને છાતીમાં દુખાવો ઉપડ્યો હતો. આ યુવાનનું મૃત્યુ નિપજ્યું છે. મૃતકના મોટાભાઈ પ્રફુલભાઈ કણઝારીયાએ તેઓનું હૃદયરોગના હુમલાથી મૃત્યુ થયાનું પોલીસ સમક્ષ જાહેર કર્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
