Author: નોબત સમાચાર
રાજસ્થાનમાં ગમખ્વાર અકસ્માતમાં એક જ પરિવારના પાંચના મૃત્યુ થતા અરેરાટી
ટાયર ફાટ્યું ને કાર ખાબકી નાળામાં:
જયપુર તા. ર૪: આજે સવારે રાજસ્થાનમાં મોટી કરૂણાંતીકા સર્જાઈ છે. ટાયર ફાટતા કાર નાળામાં ખાબકી હતી જેમાં એક જ પરિવારના પાંચના મોત થયા હોવાનું જાણવા મળે છે.
રાજસ્થાનમાં બ્યાવર-પિંડવાડા હાઈ-વે પર ગુરુવારે સવારે લગભગ ૭-૧પ વાગે ટાયર ફાટવાના કારણે ગોજારો અકસ્માત સર્જાયો. કાર નાળામાં પડી ગઈ અને એક જ પરિવારના પાંચ લોકોના મોત નિપજ્યા છે. કારમાં સવાર લોકો પિંડવાડાથી જોધપુર તરફ જઈ રહ્યા હતાં.
આ દુર્ઘટના અંગે એસ.પી.એ જણાવ્યું કે કારનું સંતુલન ખોરવાતા અકસ્માત થયો છે. પાંચ લોકોના મોત નિપજ્યા છે, જ્યારે એક મહિલા ઈજાગ્રસ્ત થતા હોસ્પિટલમાં દાખલ કરવામાં આવ્યા છે. સિરોહીમાં સારનેશ્વર બ્રીજ નજીક આ દુર્ઘટના ઘટી છે. કારનું ટાયર ફાટવાથી કાર બેકાબૂ થઈ ગઈ અને આ દુર્ઘટના ઘટી.
બીજી તરફ સિરોહી પોલીસે જણાવ્યું કે કારમાં સવાર એક પરિવાર ગુજરાતથી જોધપુર તરફ જઈ રહ્યો હતો, ત્યારે સારનેશ્વર બ્રીજ નજીક કારની આગળનું ટાયર ફાટી ગયું, જેનાથી કાર બેકાબૂ થઈને ડિવાઈડરને પાર કરતા નાળામાં પડી ગઈ હતી. આ દુર્ઘટના એટલી દર્દનાક હતી કે ફ્લોદીના ખારા ગામના રહેવાસી બે મહિલા, બે પુરુષ અને એક બાળકનું ઘટના સ્થળે જ મોત નિપજ્યું હતું, જ્યારે એક મહિલા ઈજાગ્રસ્ત થઈ ગઈ હતી.
આ ઘટનાની જાણકારી મળતા જ સીઓ મુકેશ ચૌધરી અને પોલીસ અધિકારી ઘટના સ્થળે પહોંચ્યા તેમજ ઈજાગ્રસ્ત મહિલાને જિલ્લા હોસ્પિટલ પહોંચાડ્યા હતાં. તે પછી મૃતકોના મૃતદેહોને મોર્ચરીમાં મૂક્યા હતાં. તમામ ગુજરાતના દાહોદ જિલ્લાના લીમખેડામાં રહેતા હતાં અને પોતાના ગામ ખારા પરત ફરી રહ્યા હતાં. આ દરમિયાન ઘટનાનો ભોગ બન્યા હતાં. ઘટનામાં ઈજાગ્રસ્ત મહિલાની હોસ્પિટલમાં સારવાર ચાલુ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
