Author: નોબત સમાચાર
જામનગરની સજુબા ગર્લ્સ હાઈસ્કૂલમાં નવરંગ નવરાત્રિ મહોત્સવની ઉજવણી
સાતસો દીકરીઓ દ્વારા રાસ-ગરબાની રમઝટઃ
જામનગર તા. ૨૪: યા દેવી સર્વ ભૂતેષ શક્તિ રૂપેણ સંસ્થિતા, નમસ્તસ્યૈ નમસ્તસ્યૈ નમો નમઃ ભક્તિ, શક્તિ અને આરાધનાનો ત્રિવેણી સંગમ એટલે નવરાત્રિ ગુજરાતીઓને નવી ઊર્જા અને નવી ચેતના આપતો આ તહેવાર સજુબા સરકારી ગર્લ્સ હાઈસ્કૂલ જામનગરમાં દીકરીઓ દ્વારા ખૂબ હોશભેર અને ધામધૂમપૂર્વક ઉજવવામાં આવ્યો હતો. જેમાં શાળાની ૭૦૦ જેટલી દીકરીઓએ સજુબા સરકારી ગર્લ્સ હાઈસ્કૂલના પટાંગણમાં નવરંગ નવરાત્રિ મહોત્સવની ઉજવણી કરી રાસ-ગરબાની રમઝટ બોલાવી હતી.
વિદ્યાર્થિનીઓ દ્વારા માતાજીના ગરબા તેમજ દાંડિયા રાસ દ્વારા જગત જનની મા જગદંબાની આરાધના કરવામાં આવી હતી. કાર્યક્રમ અંતર્ગત શાળા દ્વારા ગરબા સ્પર્ધામાં વિવિધ કેટેગરી અંતર્ગત તાળી રાસ, પંચિયા રાસ, ફ્રી સ્ટાઈલ રાસ, વેલ ડ્રેસ વગેરેમાં એકથી ત્રણ ક્રમાંક આપી દીકરીઓને ઈનામ પણ આપવામાં આવેલ અને સ્ટાફ પરિવારે અભિનંદન પાઠવ્યા હતાં. કાર્યક્રમ માટે શાળાના આચાર્યા તેમજ સ્ટાફ પરિવારે જહેમત ઊઠાવી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
