Author: નોબત સમાચાર
શિવરાજપુર બીચ પર રાજભા ગઢવી તથા ઝાંઝરી ગ્રુપ દ્વારા યોજાશે સાંસ્કૃતિક કાર્યક્રમો
તા. ર૭ ઓક્ટોબર ને પર્યટન પર્વે
ખંભાળિયા તા. ર૪: દ્વારકા જિલ્લાના શિવરાજપુર બીચમાં ર૭ ઓક્ટોબરના પર્યટન પર્વની ઉજવણી થશે, જેમાં વિખ્યાત લોકસાહિત્યકાર રાજભા ગઢવી સાહિત્ય રસ પીરસશે, અને ઝાંઝરી ગ્રુપ શ્રી કૃષ્ણ આધારિત કાર્યક્રમ રજૂ કરશે.
ગુજરાત સરકારના રમતગમત અને સાંસ્કૃતિક પ્રવૃત્તિઓ, ગાંધીનગર તથા કમિશનર યુવક સેવા અને સાંસ્કૃતિક પ્રવૃત્તિઓ, ગાંધીનગર તેમજ જિલ્લ્ વહીવટી તંત્ર દેવભૂમિ દ્વારકાના સંયુક્ત ઉપક્રમે આગામી તા. ર૭-૧૦-ર૦ર૪ ને રવિવારના સાંજે ૭ કલાકે શિવરાજપુર બીચમાં પર્યટન પર્વ સાંસ્કૃતિક કાર્યક્રમ-ર૦ર૪ નું આયોજન કરવામાં આવ્યું છે.
આ સાંસ્કૃતિક કાર્યક્રમમાં લોકસાહિત્યકાર રાજભા ગઢવી સાહિત્ય રસ પીરસશે તેમજ ઝાંઝરી ગ્રુપ દ્વારા સાંસ્કૃતિક કાર્યક્રમ રજૂ કરવામાં આવશે.
પર્યટન પર્વમાં પ્રવાસન, સાંસ્કૃતિક પ્રવૃત્તિઓ, વિભાગના કેબિનેટ મંત્રી મૂળુભાઈ બેરા, સાંસદ પૂનમબેન માડમ, ધારાસભ્યો પબુભા માણેક, હેમંતભાઈ ખવા, જિલ્લા પંચાયત પ્રમુખ રિદ્ધિબા જાડેજાની વિશેષ ઉપસ્થિતિ રહેશે.
આગામી તા. ર૭-૧૦-ર૦ર૪ ને રવિવારના સાંજે ૭ કલાકે શિવરાજપુર બીચ પર યોજાનાર પર્યટન પર્વ સાંસ્કૃતિક કાર્યક્રમ-ર૦ર૪ ને નિહાળવા જાહેર જનતાને જિલ્લા વહીવટી તંત્ર દ્વારા અનુરોધ કરવામાં આવ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
