Author: નોબત સમાચાર
ધ્રોલના લતીપર પાસે ઈંગ્લીશ દારૂના ૩૩ ચપલા સાથે બે ખેતમજૂર ઝડપાયા
લતીપર પાસે ચેકીંગમાં પોલીસે પકડી પાડ્યાઃ
જામનગર તા. ર૪: ધ્રોલ નજીકના લતીપર ગામ પાસે ગઈકાલે સાંજે પોલીસ દ્વારા કરવામાં આવી રહેલા ચેકીંગમાં મૂળ મધ્યપ્રદેશના અને હાલમાં જોડિયાના રસનાળમાં ખેત મજૂરી કરતા બે શખ્સ ઈંગ્લીશ દારૂની કુલ ૩૩ નાની બોટલ સાથે ઝડપાઈ ગયા છે.
ધ્રોલ તાલુકાના લતીપર ગામ પાસે ગઈકાલે સાંજે ધ્રોલ પોલીસ સ્ટેશનના પીઆઈ એચ.વી. રાઠોડ તથા સ્ટાફ દ્વારા કરવામાં આવી રહેલા વાહન ચેકીંગ દરમિયાન ત્યાંથી પસાર થઈ રહેલા મૂળ મધ્ય પ્રદેશના અલીરાજપુર જિલ્લાના ભાભરા તાલુકાના વતની અને હાલમાં જોડિયા તાલુકાના રસનાળ ગામમાં છગનભાઈ ગોવિંદભાઈ નામના ખેડૂતના ખેતરમાં મજૂરીકામ કરતા રાજેશ નવલસિંગ વસુનીયા નામના શખ્સને રોકાવી પોલીસે તેને ચેક કરતા તેના કબજામાંથી અંગ્રેજી શરાબના ૧૮ ચપટા મળી આવ્યા હતા. પોલીસે ચપટા કબજે કરી રાજેશની ધરપકડ કરી છે.
ત્યારપછી મૂળ મધ્યપ્રદેશ ના અલીરાજપુર જિલ્લાના વતની અને હાલમાં રસનાળ ગામમાં કેશુભાઈ જીવાણીની વાડીમાં મજૂરીકામ કરતા કેરમા મગનભાઈ વસુનીયા નામના શખ્સને પણ રોકી પોલીસે ચેક કર્યાે હતો. તેની પાસેથી ઈંગ્લીશ દારૂની ૧પ નાની બોટલ મળી આવી હતી. આ શખ્સની પણ ધરપકડ કરાઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
